એસી કોચમાં રોમેન્ટિક સજાવટનો વીડિયો સોશિયલ મીડિયા પર વાયરલ
ઈન્ટરનેટ પર છેલ્લા થોડા દિવસોથી ડિજિટલ કન્ટેન્ટ ક્રિએશન અને અનોખા સરપ્રાઈઝના ઘણા કિસ્સાઓ વાયરલ થતા રહે છે (Train Coupe Decoration Rules). પરંતુ આ વખતે વાયરલ થયેલો વીડિયો સીધો ભારતીય રેલવેના પ્રીમિયમ કોચ સાથે જોડાયેલો છે (Viral Train Romantic Surprise Video). વીડિયોમાં જોઈ શકાય છે કે ચાલતી ટ્રેનની અંદર ફર્સ્ટ એસી કેબિનને એટલી ભવ્ય રીતે શણગારવામાં આવ્યું છે કે તે કોઈ લક્ઝરી હોટેલના રૂમ જેવું દેખાઈ રહ્યું છે.
આ વીડિયો સોશિયલ મીડિયા પર આવતાની સાથે જ લોકોમાં ભારે કુતૂહલ જોવા મળ્યું છે. ઘણા લોકો આ રોમેન્ટિક સરપ્રાઈઝના વખાણ કરી રહ્યા છે, તો વળી કેટલાક જાગૃત નાગરિકો ટ્રેનની અંદર આ પ્રકારની પ્રવૃત્તિઓ કાયદેસર છે કે નહીં તે અંગે સવાલો ઉઠાવી રહ્યા છે.
ગુલાબની પાંખડીઓ, LED લાઈટ્સ અને ફુગ્ગાઓથી બનેલો અદભુત હનીમૂન સ્યુટ
આ વાયરલ વીડિયોની અંદરના દ્રશ્યો પર નજર કરીએ તો, ફર્સ્ટ એસી કોચના એક પ્રાઇવેટ કુપે અથવા કેબિનની અંદર જતા જ રોમેન્ટિક નજારો જોવા મળે છે (First AC Cabin Honeymoon Suite). આખા કેબિનને લાલ, ગુલાબી અને સફેદ રંગના ફુગ્ગાઓ, આકર્ષક લેસ અને અસંખ્ય ગુલાબના ફૂલોથી શણગારવામાં આવ્યું છે. કેબિનની અંદરની મુખ્ય દીવાલો પર ગુલાબના ફૂલો ચોંટાડવામાં આવ્યા છે અને નીચે ફ્લોર પર ગુલાબની પાંખડીઓ પાથરવામાં આવી છે.
આ ઉપરાંત, કેબિનની સીલિંગ એટલે કે છત પર પણ ઘણા બધા ફુગ્ગા લગાવેલા છે અને બેસવાની બર્થ પર ગુલાબની પાંખડીઓથી સુંદર હાર્ટ શેપ (દિલનો આકાર) બનાવવામાં આવ્યો છે. આટલું જ નહીં, દીવાલો પર ફૂલોની વચ્ચે નાની-નાની એલઈડી લાઈટ્સ પણ લગાવવામાં આવી છે અને મુખ્ય દીવાલ પર મોટા અક્ષરોમાં 'આઈ લવ યુ' લખેલું છે. આખો નજારો ખૂબ જ આકર્ષક અને મનમોહક લાગે છે.
સુરક્ષા અંગે સોશિયલ મીડિયા પર ઉઠેલા ગંભીર સવાલો અને યુઝર્સની પ્રતિક્રિયા
અહેવાલો અનુસાર, આ અદભુત સજાવટ એક મુસાફરે પોતાના લાઈફ પાર્ટનરને પ્રવાસ દરમિયાન એક યાદગાર સરપ્રાઈઝ આપવા માટે કરાવી હતી. ડિજિટલ પ્લેટફોર્મ પર આ અનોખા આઈડિયાની પ્રશંસા થઈ રહી છે, પણ તેની સાથે જ સિક્કાની બીજી બાજુ પણ સામે આવી છે (Railway Security Guidelines Passenger).
કેટલાક યુઝર્સે આ વીડિયોમાં ભારતીય રેલવે અને રેલવે મંત્રીને ટેગ કરીને સત્તાવાર સફાઈ માંગી છે. લોકોનું કહેવું છે કે ટ્રેનની અંદર આવી વધારાની લાઈટિંગ અને વાયરિંગ કરવાથી શોર્ટ કિટ થવાનું જોખમ રહે છે. શું કોઈ સામાન્ય મુસાફરને ટ્રેનની અંદર આવી સજાવટ કરવાની પરવાનગી આપી શકાય? આ પ્રવૃત્તિ રેલવેની મુસાફરી અને સુરક્ષા વ્યવસ્થા સામે મોટા પ્રશ્નાર્થ ચિહ્નો ઉભા કરે છે.
પ્રાઇવેસી અને ડેકોરેશન અંગે ભારતીય રેલવેના સત્તાવાર નિયમો શું કહે છે?
આ સમગ્ર વિવાદ અને સોશિયલ મીડિયા પર ઉઠેલા સવાલો બાદ ભારતીય રેલવે તરફથી સત્તાવાર પ્રતિક્રિયા અને નિયમોની સ્પષ્ટતા સામે આવી છે (Indian Railways Privacy Policy). રેલવે પ્રશાસનના જણાવ્યા અનુસાર, ફર્સ્ટ એસી (1AC) કેબિન બુક કરાવનારા પ્રવાસીઓને રેલવે તરફથી સંપૂર્ણ પ્રાઇવેસી (ગોપનીયતા) ની સુવિધા આપવામાં આવે છે (IRCTC Special Compartment Booking). નિયમો મુજબ, જો કોઈ મુસાફર આખી કેબિન પોતાના નામે રિઝર્વ કરાવે છે, તો મુસાફરી દરમિયાન તે સ્પેસ તેમની અંગત ગણાય છે.
પ્રવાસીઓ પોતાના આરામ અને સુવિધા અનુસાર તે કેબિનનો ઉપયોગ કરી શકે છે અને તેને અંદરથી સજાવી પણ શકે છે. રેલવેએ સ્પષ્ટ કર્યું છે કે જો કોઈ વ્યક્તિ આખી કેબિન બુક કરીને તેને પોતાની મરજીથી શણગારે છે, તો તેમાં રેલવેની કોઈ ભૂમિકા હોતી નથી. આ મુસાફરોની પોતાની વ્યક્તિગત પસંદગી છે અને તે રેલવેના કોઈપણ પ્રવર્તમાન કાયદા કે સુરક્ષા નિયમોનું ઉલ્લંઘન કરતું નથી, તેથી આ બાબત સંપૂર્ણપણે કાયદેસર છે.
આ પણ વાંચો : Vande Bharat Rajdhani Race : વંદે ભારત અને રાજધાની એક્સપ્રેસ વચ્ચે જામી કાંટાની ટક્કર, જુઓ કોણે મારી બાજી
