ટ્રેનમાં શું કર્યું મુસાફરોએ?

વાયરલ થઈ રહેલો આ વીડિયો માત્ર 11 સેકન્ડનો છે, પરંતુ તેમાં દેખાતું દૃશ્ય અનેક લોકોને ગુસ્સે ભરવા માટે પૂરતું છે. વીડિયોમાં 2 મુસાફરો ટ્રેન (Train)ની પોતાની સીટ પર આરામથી બેઠા છે અને ડુંગળી (Onion) છોલી રહ્યા છે. ડુંગળી છોલવામાં કોઈ વાંધો નથી, પરંતુ તેઓ તેના છાલ સીધા ટ્રેનના ફ્લોર પર ફેંકતા જોવા મળે છે. તેમને એ વાતનો જરા પણ વિચાર નથી કે તેઓ જાહેર પરિવહનમાં મુસાફરી કરી રહ્યા છે અને તેમની આ હરકતથી સમગ્ર કોચ ગંદો થઈ રહ્યો છે. તેઓ નિરાંતે પોતાનું કામ કરતા રહે છે, જ્યારે ત્યાં હાજર કોઈ મુસાફરે આ ઘટનાનો વીડિયો બનાવી સોશિયલ મીડિયા પર શેર કરી દીધો હતો.

સોશિયલ મીડિયા પર વીડિયો થયો વાયરલ

આ વીડિયો સોશિયલ મીડિયા પ્લેટફોર્મ X (પૂર્વે ટ્વિટર) પર @raavan_india નામના એકાઉન્ટ પરથી શેર કરવામાં આવ્યો છે. વીડિયો સાથે લખવામાં આવ્યું છે કે, "ટ્રેનમાં સીટ ન મળે ત્યારે લોકો બાથરૂમ પાસે બેસીને મુસાફરી કરે છે અને સીટ મળી જાય પછી આખા કોચને જ ગંદકીથી ભરેલા સ્થળમાં ફેરવી દે છે. ટ્રેનમાં ડુંગળી છોલો, મગફળી ખાઓ અને પછી ઘરે જઈને ફ્રી રાશન ખાઈને સૂઈ જાઓ." સમાચાર લખાય ત્યાં સુધી આ વીડિયોને હજારો લોકો જોઈ ચૂક્યા હતા અને મોટી સંખ્યામાં લોકોએ પોતાની પ્રતિક્રિયા પણ આપી હતી.

ट्रेन में सीट नहीं मिलने पर लैट्रिन, बाथरूम में बैठकर जाते हैं और सीट मिल जाने पर कोच को ही लैट्रिन बना देते हैं।

ट्रेन में प्याज छीलो, मूंगफली खाओ और घर जाकर फ्री राशन चांपकर सो जाओ। pic.twitter.com/wzCpGYdy0E

— रावण (@raavan_india) June 28, 2026

લોકોની પ્રતિક્રિયા શું રહી?

વીડિયો વાયરલ થયા બાદ સોશિયલ મીડિયા યુઝર્સે આવા મુસાફરો સામે કડક કાર્યવાહી કરવાની માંગ કરી છે. એક યુઝરે લખ્યું કે, "રેલવે (Indian Railways)ના કર્મચારીઓ ક્યાં હતા? આવા લોકો સામે દંડાત્મક કાર્યવાહી કેમ કરવામાં આવતી નથી?" અન્ય એક યુઝરે કહ્યું કે, "આવા લોકોનું તરત જ ચલણ કાપવું જોઈએ." જ્યારે ત્રીજા યુઝરે લખ્યું કે, "દેશ આવા બેદરકાર લોકોના કારણે પરેશાન છે." આ વીડિયો ફરી એકવાર યાદ અપાવે છે કે જાહેર સ્થળોને સ્વચ્છ રાખવાની જવાબદારી માત્ર સરકારની નહીં, પરંતુ દરેક નાગરિકની પણ છે.

આ પણ વાંચો : Snake in Underwear : સ્વિમિંગ પૂલમાં યુવકના અંડરવેરમાં ઘૂસ્યો સાપ, મિત્રની સમયસૂચકતાએ બચાવ્યો જીવ