Bikaner ફાયરિંગ રેન્જમાં ભયાનક દુર્ઘટના, બે જવાનો શહીદ, એક ઘાયલ

• Bikaner ફિલ્ડ ફાયરિંગ રેન્જમાં બ્લાસ્ટ,
• તોપથી ફાયર કરી રહ્યા હતા, 2 જવાન શહીદ
• 4 દિવસ પહેલા પણ એક જવાને જીવ ગુમાવ્યો હતો

Rajasthan : બિકાનેર (Bikaner) ફિલ્ડ ફાયરિંગ રેન્જમાં એક મોટી દુર્ઘટનામાં બે જવાનો શહીદ થયા છે. આર્ટિલરી પ્રેક્ટિસ દરમિયાન અહીં એક વિસ્ફોટ થયો હતો. ત્રણ સૈનિકો તેની ઝપેટમાં આવી ગયા. જેમાં બે જવાનો સ્થળ પર જ શહીદ થયા હતા. ત્રીજા સૈનિકને સારવાર માટે દાખલ કરવામાં આવ્યો છે. તેમની હાલત નાજુક હોવાનું કહેવાય છે. કહેવામાં આવી રહ્યું છે કે, સેનાના જવાનો રેન્જના નોર્થ કેમ્પમાં આર્ટિલરી પ્રેક્ટિસ કરી રહ્યા હતા. આ દરમિયાન વિસ્ફોટ થયો હતો. ઘાયલ સૈનિકને હેલિકોપ્ટર દ્વારા ચંદીગઢની હોસ્પિટલમાં દાખલ કરવામાં આવ્યા છે. લુણકારણસરના સીઓ નરેન્દ્ર પુનિયાએ ઘટનાની પુષ્ટિ કરી છે. છેલ્લા ત્રણ દિવસમાં આ ફાયરિંગ રેન્જમાં આ બીજો અકસ્માત છે. ત્રણ દિવસ પહેલા પણ અકસ્માતમાં એક જવાન શહીદ થયો હતો.

યુવક તોપને ટોઇંગ વાહન સાથે જોડી રહ્યો હતો. પરંતુ તોપ લપસી જવાને કારણે તે તેની નીચે દટાઈ ગયો હતો. જેના કારણે તેનું ઘટનાસ્થળે જ મોત નીપજ્યું હતું. સંરક્ષણ પ્રવક્તાના જણાવ્યા અનુસાર બુધવારે તાલીમ દરમિયાન ટેન્કમાં દારૂગોળો લોડ કરવામાં આવી રહ્યો હતો. પરંતુ શેલના અચાનક વિસ્ફોટને કારણે ત્રણ સૈનિકો તેની ઝપેટમાં આવી ગયા. શેલના ચાર્જરના વિસ્ફોટને કારણે આ અકસ્માત સર્જાયો હતો. સેનાના બે જવાનોના ઘટનાસ્થળે જ મોત થયા હતા. જ્યારે ત્રીજા સૈનિકને સારવાર માટે ચંદીગઢ લઈ જવામાં આવ્યો છે. તેમની હાલત નાજુક હોવાનું કહેવાય છે.

આ પણ વાંચો : Maharashtra : મહાયુતિમાં દિગ્ગજે વધાર્યું ટેન્શન!

સ્થાનિક પોલીસને માહિતી આપી...

વિસ્ફોટની માહિતી મળ્યા બાદ સેના દ્વારા સ્થાનિક પોલીસને પણ જાણ કરવામાં આવી હતી. જે બાદ લુણકારણસર વિસ્તારના અધિકારીઓએ સ્થળનું નિરીક્ષણ કર્યું હતું. આ અકસ્માતમાં આશુતોષ મિશ્રા અને જિતેન્દ્ર નામના સૈનિકો શહીદ થયા છે. ઘાયલ સૈનિકને પહેલા સુરતગઢની મિલિટરી હોસ્પિટલમાં દાખલ કરવામાં આવ્યો હતો. ત્યાંથી તેને ચંદીગઢ રીફર કરવામાં આવ્યો છે.

આ પણ વાંચો : PM મોદીએ બાબાસાહેબ આંબેડકર વિરુદ્ધ કૉંગ્રેસના 4 ‘પાપ’ ગણાવ્યા