Udhayanidhi Stalin controversy : તમિલનાડુમાં ભારે હોબાળો, ત્રિશા પર ટિપ્પણી કરવા બદલ ઉદયનિધિ સ્ટાલિનને પોલીસે ઘરેથી ઉપાડી ગઈ

Udhayanidhi Stalin controversy :  રાજકીય પ્રતિક્રિયાઓ આવી સામે

ઉલ્લેખનીય છે કે પોલીસ કસ્ટડીમાં લેવાયા બાદ ઉદયનિધિ સ્ટાલિને નિવેદન આપ્યું હતું કે તેમણે કોઈ જ અપરાધ કર્યો નથી. તેમણે જણાવ્યું કે આ સંપૂર્ણપણે રાજકીય બદલાની ભાવનાથી પ્રેરાયેલું પગલું છે. આ મામલે રાહત મેળવવા માટે તેમણે મદ્રાસ હાઈકોર્ટમાં આગોતરા જામીન માટે અરજી દાખલ કરી છે, જેના પર આજે બપોરે સુનાવણી હાથ ધરવામાં આવશે.

બીજી તરફ, સત્તાપક્ષ ટીવીકે પાર્ટીના નેતા અધવ અર્જુને ઉદયનિધિના આ નિવેદનની આકરી ટીકા કરી છે. તેમણે આરોપ લગાવ્યો છે કે આવા અસંસ્કારી અને બેવડા અર્થવાળા નિવેદનોથી મહિલાઓનું અપમાન થઈ રહ્યું છે અને ડીએમકે પક્ષ પોતાના રાજકીય ધોરણો ગુમાવી રહ્યો છે.

જાણો શું હતી ઘટના

આ સમગ્ર મામલો કાવેરી જળ વિવાદ સંબંધિત એક વિરોધ પ્રદર્શન દરમિયાન બન્યો હતો. ભીડને સંબોધિત કરતી વખતે જ્યારે ઉપસ્થિત લોકોએ અભિનેત્રી ત્રિશાના નારા લગાવવાનું શરૂ કર્યું, ત્યારે ઉદયનિધિએ કથિત રીતે વિવાદાસ્પદ અને અશ્લીલ હાવભાવ સાથે ટિપ્પણી કરી હતી. આ ઘટના બાદ તમિલનાડુના રાજકારણમાં ગરમાવો આવ્યો છે અને મહિલા સંગઠનો દ્વારા ભારે વિરોધ પ્રદર્શન કરવામાં આવી રહ્યા છે.

આ પણ વાંચો :  Noida Factory Fire : નોઈડાની કંપનીમાં ભીષણ આગ, ફાયર જવાન પર દિવાલ પડતા 2ના મોત