Mainpuri Accident : લગ્નનો આનંદ માણીને ઘરે પહોંચે તે પહેલા જ કાળનો પંજો ત્રાટક્યો ! અકસ્માતમાં 2ના મોત

Mainpuri Accident :  ઘટનાસ્થળે 2 લોકોના મોત

પ્રાપ્તથતી વિગતો અનુસાર, કન્નૌજ (Kannauj)ના છિબ્રમૌ વિસ્તારના રહેવાસી મોહમ્મદ વસીમ (Mohammad Wasim - 34 વર્ષ), સત્તાર (Sattar - 50 વર્ષ) અને આફતાબ (Aftab - 35 વર્ષ) મૈનપુરીના જટપુરા ગામે એક પરિચિતની પુત્રીના લગ્નમાં આવ્યા હતા. ગુરુવારે રાત્રે આશરે 10:30 વાગ્યે જ્યારે તેઓ પોલિટેકનિક કોલેજ (Polytechnic College) પાસે પહોંચ્યા, ત્યારે પૂરપાટ ઝડપે આવતા એક અજાણ્યા વાહને તેમની બાઈકને અડફેટે લીધી હતી. ટક્કર એટલી જોરદાર હતી કે વસીમ અને સત્તારનું સ્થળ પર જ મોત થઈ ગયું હતું. અકસ્માતનો અવાજ સાંભળીને કોલેજના ચોકીદાર અને ગ્રામજનો દોડી આવ્યા હતા અને પોલીસ (Police)ને જાણ કરી હતી.

આખી રાત મૃતદેહો પરથી વાહનો દોડ્યા !

અંધારું અને સૂમસામ રસ્તો હોવાને કારણે આ અકસ્માત બાદ એક અત્યંત દર્દનાક દ્રશ્ય સર્જાયું હતું. સ્થાનિક લોકોએ ટોર્ચના અજવાળે અન્ય વાહનોને રોકવાનો પ્રયાસ કર્યો હતો, પરંતુ રસ્તાની સ્થિતિને કારણે કેટલાય વાહનો રસ્તા પર પડેલા મૃતદેહો પરથી પસાર થઈ ગયા હતા. આને કારણે મૃતદેહો ક્ષત-વિક્ષત હાલતમાં ફેરવાઈ ગયા હતા.

પોલીસ કાર્યવાહી હાથ ધરી

ઘટનાની જાણ થતા જ સ્ટેશન હાઉસ ઓફિસર (SHO) છત્રપાલ સિંહ કાફલા સાથે ઘટનાસ્થળે પહોંચ્યા હતા. પોલીસે ગંભીર રીતે ઈજાગ્રસ્ત આફતાબ ઉર્ફે છોટેને તાત્કાલિક હોસ્પિટલ ખસેડ્યો હતો, જ્યાં તેની ગંભીર હાલત જોતા તેને સૈફઈ (Saifai) ની મિની PGIમાં રિફર કરવામાં આવ્યો છે. જ્યારે મૃતક વસીમના ખિસ્સામાંથી મળેલા ડ્રાઇવિંગ લાયસન્સ (Driving License)ના આધારે તેના પરિવારનો સંપર્ક કરવામાં આવ્યો હતો. પોલીસે અજાણ્યા વાહન ચાલક વિરુદ્ધ ગુનો નોંધીને વધુ તપાસ હાથ ધરી છે.

આ પણ વાંચો : Rajasthan : ઉર્જા સંકટ વચ્ચે યુવકે કારને ડીઝલથી નવડાવવી ! સોશિયલ મીડિયા પર વીડિયો વાયરલ થતા 2ની ધરપકડ