Uttar Pradesh Exit Poll 2024 : દેશમાં સૌથી વધુ લોકસભા બેઠક ધરાવતું રાજ્ય કોના ફાળે જશે ? જાણો Exit Polls નું વલણ

લોકસભા ચૂંટણીમાં (Lok Sabha elections) ઉત્તર પ્રદેશને સૌથી મહત્ત્વપૂર્ણ રાજ્ય માનવામાં આવે છે. યુપીમાં લોકસભાની સૌથી વધુ બેઠકો (80) છે. કહેવાય છે કે આ રાજ્યમાં જે પણ જીતશે તે જ પાર્ટી કેન્દ્રમાં સરકાર બનાવશે. લોકસભાના સાતમા તબક્કામાં 13 બેઠકો પર મતદાન સાથે, ઉત્તર પ્રદેશમાં ચૂંટણીના તમામ તબક્કા પૂર્ણ થઈ ગયા છે. 5 એજન્સીઓના ડેટા એક્ઝિટ પોલમાં (Uttar Pradesh Exit Poll 2024) ઘણી હદ સુધી સ્પષ્ટ કરે છે કે દેશમાં કઈ પાર્ટીની સરકાર બનવાની અપેક્ષા છે.

2019 ની ચૂંટણીમાં BJP એ 62 બેઠકો જીતી હતી

એક્ઝિટ પોલના (Uttar Pradesh Exit Poll 2024) પરિણામો અનુસાર, BJP ના નેતૃત્વમાં NDA ફરી એકવાર દેશમાં સત્તા પર કબજો જમાવે તેવું લાગી રહ્યું છે. આ જોતા યુપીના (Uttar Pradesh) પરિણામો પણ ભાજપની તરફેણમાં જતા જણાય છે. રાજ્યની 80 બેઠકો પર 7 તબક્કામાં મતદાન થયું હતું. આ વર્ષે મુખ્ય મુકાબલો ભાજપની આગેવાની હેઠળના NDA અને SP-કોંગ્રેસ I.N.D.I. ગઠબંધન વચ્ચે છે. આ પહેલા વર્ષ 2019 ની ચૂંટણીમાં BJP 49.6 ટકા મતો સાથે 62 બેઠકો જીતી હતી, જ્યારે SP-BSP ગઠબંધન 15 બેઠકો જીતી હતી. કોંગ્રેસ માત્ર 1 સીટ જીતી શકી હતી.

યુપીમાં કયું ગઠબંધન જીતશે ?

જણાવી દઈએ કે, યુપીમાં લોકસભા ચૂંટણી (Lok Sabha elections) માટે સપા અને કોંગ્રેસે ગઠબંધન કર્યું છે, જ્યારે BSP એકલા હાથે ચૂંટણી લડી રહી છે. તે જ સમયે, BJP ની આગેવાની હેઠળના NDA માં LRD, અપના દળ એસ, સુભાએસપી અને નિષાદ પાર્ટીનો સમાવેશ થાય છે. હવે જોવાનું એ રહેશે કે યુપીમાં કયું ગઠબંધન જીતશે.

આ પણ વાંચો - Gujarat Exit Poll: એક્ઝિટ પોલ ગુજરાતના સમીકરણ બદલશે કે યથાવત રાખશે?

આ પણ વાંચો - Gujarat Exit Poll 2024 : ત્રીજી વાર ક્લીન સ્વીપ કરશે BJP ? જાણો શું કહે છે Exit Poll ?

આ પણ વાંચો - Delhi Exit Poll: દિલ્હીમાં ભારતીય જનતા પાર્ટીને 6-7 બેઠકોની સંભાવના, INDIA ગઠબંધન ખતરામાં