Uttarakhand: UCC લાગુ થવાથી કુરિવાજ,કુપ્રથાઓનો અંત આવશે!

Uttarakhand માં યુનિફોર્મ સિવિલ કોડ (UCC) ના ડ્રાફ્ટને રવિવારે મુખ્યમંત્રી પુષ્કર સિંહ ધામીની અધ્યક્ષતામાં મળેલી કેબિનેટ બેઠકમાં મંજૂરી આપવામાં આવી છે. આ ડ્રાફ્ટ મંજૂર થયા બાદ હવે તેને વિધાનસભામાં મૂકવામાં આવશે. એકવાર ત્યાંથી પસાર થયા પછી, ઉત્તરાખંડ દેશનું પ્રથમ રાજ્ય બનશે જ્યાં UCC કાયદો લાગુ કરવામાં આવશે. કેબિનેટની બેઠક બાદ કહેવામાં આવ્યું હતું કે ડ્રાફ્ટ વિધાનસભામાં રજૂ કરવામાં આવશે અને તેને કાયદાનું સ્વરૂપ આપવામાં આવશે. UCC તમામ નાગરિકોને સમાન અધિકાર પ્રદાન કરશે અને લિંગ સમાનતા અને સામાજિક ન્યાયને પ્રોત્સાહન આપશે.

તમામ ધાર્મિક સમુદાયો માટે સમાન કાયદાનો સમાવેશ

મુખ્યમંત્રી પુષ્કર સિંહ ધામી 6 ફેબ્રુઆરીએ વિધાનસભા સત્રમાં UCC ટેબલ પર આવવાના છે. વિધાનસભામાં પસાર થયા બાદ આ ટૂંક સમયમાં કાયદો બની જશે. UCC ડ્રાફ્ટમાં લગ્ન, છૂટાછેડા, વારસો, દત્તક લેવા અને અન્ય બાબતોને લગતા તમામ ધાર્મિક સમુદાયો માટે સમાન કાયદાનો સમાવેશ થાય છે. આ ડ્રાફ્ટ તૈયાર કરવા માટે 27 મે 2022ના રોજ પાંચ સભ્યોની સમિતિની રચના કરવામાં આવી હતી.

CM પુષ્કર સિંહ ધામીને 749 પાનાનો રિપોર્ટ સોંપ્યો

ખરેખર, ધામીની સરકારે UCC પર કાયદો પસાર કરવા માટે 5 થી 8 ફેબ્રુઆરી દરમિયાન વિધાનસભામાં વિશેષ સત્ર બોલાવ્યું છે. નિવૃત્ત જસ્ટિસ રંજના પ્રકાશ દેસાઈની આગેવાની હેઠળની પાંચ સભ્યોની પેનલે ગયા શુક્રવારે CM પુષ્કર સિંહ ધામીને 749 પાનાનો રિપોર્ટ સોંપ્યો હતો. આ અહેવાલ વિધાનસભામાં પસાર થયા બાદ ટૂંક સમયમાં જ તે કાયદો બની જશે. આવું કરનાર ઉત્તરાખંડ પહેલું રાજ્ય હશે.

Uttarakhand વિધાનસભામાં પાસ થતાં જ ઈતિહાસ રચશે

આ રાજ્ય Uttarakhand વિધાનસભામાં પાસ થતાં જ ઈતિહાસ રચશે. યુસીસીના મુદ્દાને સર્વોપરી રાખીને ભાજપે વચન આપ્યું હતું કે સરકાર બનતાની સાથે જ તેના પર કામ કરવામાં આવશે. ધામી સરકારે UCC માટે એક સમિતિની રચના કરી, જેણે દોઢ વર્ષમાં UCCનો ડ્રાફ્ટ તૈયાર કર્યો. હવે 5 ફેબ્રુઆરીથી વિધાનસભાનું વિશેષ સત્ર શરૂ થવા જઈ રહ્યું છે, જેમાં તેનું પસાર થવું લગભગ નિશ્ચિત છે.

આ પણ વાંચો - Jammu and Kashmir: આર્મી કોમ્પ્લેક્સમાં લાગી ભીષણ આગ, 8 દુકાનો બળીને ખાખ