Rajasthan માંગ ભરતી વખતે વરરાજાનો ધ્રૂજવા લાગ્યો હાથ, કન્યાના ઉડ્યા હોશ; જાણો શું છે મામલો

• રાજસ્થાનમાં એક લગ્ન સમારોહ દરમિયાન બની એક વિચિત્ર ઘટના
• કન્યાએ કહ્યું કે તે આ વરરાજા સાથે પોતાનું જીવન વિતાવી શકશે નહીં
• ઘણી સમજાવટ બાદ લગ્નની જાન દુલ્હન વગર પરત ફરી

Rajasthan Viral News : ધોલપુરમાં એક લગ્ન સમારંભમાં માંગ ભરતી વખતે વરરાજાના હાથ ધ્રૂજવા લાગ્યા, જેના કારણે લગ્ન તૂટી ગયા. દુલ્હને આરોપ લગાવ્યો કે, વરરાજાની બીમારી છુપાવવામાં આવી છે, જ્યારે વરરાજાએ શરદી હોવાનું બહાનું બનાવ્યું હતું. આ ઘટના બાદ બંને પરિવારો વચ્ચે ઝઘડો થયો અને પોલીસ બોલાવવી પડી. અંતે, લગ્નની જાન દુલ્હન વગર જ પાછી ફરી હતી.

વરરાજાના હાથ ધ્રૂજવા લાગ્યા

રાજસ્થાનના ધોલપુરમાં એક લગ્ન સમારોહ દરમિયાન એક વિચિત્ર ઘટના બની છે. અહીં કન્યાના પરિવારે લગ્નમાં આવેલી જાનનું ખૂબ સારી રીતે સ્વાગત કર્યું, અને લગ્નની વિધિઓ ખૂબ જ ધામધૂમથી કરવામાં આવી હતી. પછી આવ્યો લગ્નના ફેરાનો સમય. પંડિતજીના કહેવાથી, વરરાજા કન્યાના માંગ ભરવા ઊભો થયો, પરંતુ આમ કરતી વખતે તેના હાથ ધ્રૂજવા લાગ્યા. આ જોતા જ દુલ્હનના હોશ ઉડી ગયા. તેણીએ મંડપમાં જ કહી દીધું કે તે આ વરરાજા સાથે પોતાનું જીવન વિતાવી શકશે નહીં. તેણે કહ્યું કે તેને તો કોઈ બીમારી છે.

મામલો પોલીસ સ્ટેશન પહોંચ્યો

કન્યાએ આટલું કહેતાં જ મંડપમાં હોબાળો મચી ગયો હતો. થોડી જ વારમાં, આ હંગામો મંડપથી લઈ ગામમાં ફેલાઈ ગયો અને પછી પોલીસ સુધી પહોંચ્યો. દુલ્હન દ્વારા લગ્ન તોડવાની જાહેરાત બાદ પહેલા તો તેના પરિવારના સભ્યોએ તેને સમજાવવાની કોશિશ કરી પરંતુ દુલ્હનની વાત સાંભળીને તેના પરિવારના સભ્યો તેની તરફેણમાં આવી ગયા. આ પછી વરરાજાના પરિવારે સમજાવવાની કોશિશ કરી. આમ છતાં, જ્યારે મામલો ઉકેલાયો નહીં ત્યારે પોલીસને બોલાવવામાં આવી. પોલીસે પણ બંને પક્ષોને લાંબો સમય સમજાવ્યા અને અંતે લગ્નની જાન દુલ્હન વગર પરત ફરી હતી.

માંગ ભરવા અંગે હંગામો

આ મામલો ધોલપુર શહેરના કોતવાલી પોલીસ સ્ટેશન વિસ્તારની હાઉસિંગ બોર્ડ કોલોનીનો છે. નગર કોતવાલી પોલીસના જણાવ્યા અનુસાર, અહીં રહેતા ગિરીશ કુમારની પુત્રી દીપિકાના લગ્ન કરૌલી જિલ્લાના કલ્યાણી ગામના રહેવાસી પ્રદીપ (33) સાથે નક્કી થયા હતા. ગુરુવારે લગ્નની જાન આવી અને કન્યાના પરિવારે તેમની સાથે ખૂબ જ સારો વ્યવહાર કર્યો. લગ્નની વિધિ આખી રાત ચાલી અને અંતે પંડિતજીએ વરરાજાને કન્યાની માંગ ભરવા કહ્યું. આ માટે વરરાજા ઊભો થયો અને સિંદૂરના ડબ્બામાંથી એક ચપટી સિંદૂર કાઢી કન્યાની માંગ ભરવા લાગ્યો.

આ પણ વાંચો :  ભાષા વિવાદ અને સીમાંકન મુદ્દે કોંગ્રેસ નેતા જયરામ રમેશની પ્રતિક્રિયા

ન ભરી શક્યો દુલ્હનની માંગ

આ દરમિયાન કંઈક એવું થયું કે વરરાજાના હાથ ધ્રૂજવા લાગ્યા. આ જોઈને દુલ્હન ચોંકી ગઈ. તેણે તરત જ આ વર સાથે લગ્ન કરવાની ના પાડી દીધી. તેણે કહ્યું કે વરરાજા બીમાર છે અને તે તેની સાથે રહી શકે તેમ નથી. બીજી તરફ વરરાજાએ કહ્યું કે યુવતી ખોટા આરોપો લગાવી રહી છે. ઠંડીને કારણે તેનો હાથ ધ્રૂજી રહ્યો હતો. તેણીએ કહ્યું કે લગ્ન પહેલા આ લોકો તેને ત્રણ વાર જોવા આવ્યા હતા અને પછી લગ્ન નક્કી થયા હતા. વરરાજાએ કન્યા પક્ષ પર છેતરપિંડીનો આરોપ લગાવ્યો છે.

એક મહિના પહેલા લગ્ન નક્કી થયા હતા

દુલ્હનએ જણાવ્યું કે તેની મોટી બહેન નેહાની ભાભી સોનમે એક મહિના પહેલા જ આ સંબંધ નક્કી કર્યો હતો. આમાં વરરાજાના બીમાર હોવાની હકીકત છુપાવવામાં આવી હતી. લગ્નની વિધિ દરમિયાન વરરાજાને ધ્રૂજતો જોઈને તેણે તેની સાથે લગ્ન કરવાની ના પાડી દીધી. પોલીસના જણાવ્યા પ્રમાણે, વરરાજા સિનિયર સેકન્ડરી સ્કૂલ, સાસેરી (કરૌલી)માં કોન્ટ્રાક્ટ પર કામ કરે છે. કન્યાએ પણ તાજેતરમાં BA-B.Ed કર્યા બાદ REETની પરીક્ષા આપી છે.

આ પણ વાંચો :  Tamilnadu માં ટિપર લોરી-બસ વચ્ચે ભયંકર અકસ્માત, 5ના મોત