મમતા બેનર્જી રાજીનામું નહીં આપે તો શું થશે? જાણો કેવી રીતે બનશે ભાજપના નવા મુખ્યમંત્રી!

• પશ્ચિમ બંગાળમાં ભાજપ પહેલીવાર સરકાર બનાવવાની તૈયારીમાં (Rules for CM Resignation )
• મમતા બેનર્જી 15 વર્ષ બાદ સત્તા ગુમાવવાની સાથે પોતાની બેઠક પણ હાર્યા
• 7 મેના રોજ 17મી વિધાનસભાનો કાર્યકાળ પૂર્ણ થતા જ સત્તામાં મોટો ફેરફાર
• રાજીનામું નહીં આપે તો પણ રાજ્યપાલ મમતા સરકારને બરતરફ કરી શકશે

પશ્ચિમ બંગાળ વિધાનસભા ચૂંટણી 2026 (West Bengal Assembly Election 2026) ના પરિણામોએ ભારતીય રાજનીતિમાં નવો ઇતિહાસ રચ્યો છે. છેલ્લા 15 વર્ષથી રાજ્ય પર શાસન કરનાર મમતા બેનર્જી (Mamata Banerjee) અને તેમની તૃણમૂલ કોંગ્રેસ (TMC) નો પરાજય થયો છે, જ્યારે ભારતીય જનતા પાર્ટી (BJP) એ પહેલીવાર બંગાળમાં પૂર્ણ બહુમતી સાથે સત્તાના દ્વાર ખોલ્યા છે. આશ્ચર્યજનક રીતે, મમતા બેનર્જી પોતાની વ્યક્તિગત બેઠક પણ બચાવી શક્યા નથી. હવે મુખ્યમંત્રી તરીકે મમતા બેનર્જીએ રાજીનામું આપવાનો ઇનકાર કર્યો છે.

Rules for CM Resignation : રાજકીય સંકટ અને રાજીનામાનો સવાલ

ચૂંટણીમાં હાર બાદ આયોજિત પત્રકાર પરિષદમાં મમતા બેનર્જીએ ભાવુક નિવેદન આપતા કહ્યું હતું કે, "હું ચૂંટણી હારી નથી, પણ અમે હાર્યા છીએ." હાલમાં તેમના રાજીનામાને લઈને ચર્ચાઓ તેજ થઈ છે, પરંતુ બંધારણીય નિયમો મુજબ પરિસ્થિતિ તદ્દન સ્પષ્ટ છે. 17મી બંગાળ વિધાનસભાનો કાર્યકાળ (Term of West Bengal Assembly) 7 મેના રોજ પૂર્ણ થઈ રહ્યો છે.

રાજ્યપાલની બંધારણીય સત્તા

ભારતીય બંધારણ મુજબ, જો કોઈ મુખ્યમંત્રી ચૂંટણીમાં હાર બાદ રાજીનામું આપવાનો ઇનકાર કરે તો પણ રાજ્યપાલ પાસે વિધાનસભા ભંગ કરવાની (Dissolution of Assembly) સંપૂર્ણ સત્તા છે. નિયમો અનુસાર, નવી સરકારની રચના માટે જૂની સરકારનું અસ્તિત્વ સમાપ્ત થવું અનિવાર્ય છે.

વિધાનસભાનો કાર્યકાળ અને આપમેળે ભંગ

17મી પશ્ચિમ બંગાળ વિધાનસભાનો સત્તાવાર કાર્યકાળ 7 મેના રોજ પૂર્ણ થઈ રહ્યો છે. આવી સ્થિતિમાં, 8 મેના રોજ વિધાનસભા આપમેળે ભંગ થઈ જશે.

સભ્યપદ રદ: વિધાનસભા ભંગ થતાની સાથે જ મમતા બેનર્જી સહિત તમામ ધારાસભ્યોનું સભ્યપદ (Membership of MLAs) કુદરતી રીતે જ સમાપ્ત થઈ જશે.

રાજીનામું અનિવાર્ય નથી: એકવાર ગૃહ ભંગ થઈ જાય અને ચૂંટણી પંચ નવા ચૂંટાયેલા પ્રતિનિધિઓનું લિસ્ટ જાહેર કરે, પછી મમતા બેનર્જી માટે રાજીનામું આપવું ટેકનિકલ રીતે અનિવાર્ય રહેતું નથી, કારણ કે તેમની સરકારનો કાયદાકીય કાર્યકાળ પૂર્ણ થઈ ચૂક્યો હશે ત્યારબાદ રાજ્યપાલ બહુમતી ધરાવતા પક્ષને નવી સરકાર રચવા માટે આમંત્રિત કરશે, જેનાથી રાજ્યમાં નવી લોકતાંત્રિક પ્રક્રિયાનો પ્રારંભ થશે.

રાજ્યપાલની સત્તા અને પ્રક્રિયા

દિલ્હી હાઈકોર્ટના વરિષ્ઠ વકીલ ડીકેએ (Senior Advocate DK) જણાવ્યું હતું કે, કોઈ પણ સરકાર પાંચ વર્ષથી વધુ સમય સુધી સત્તા પર રહી શકતી નથી. જો મમતા બેનર્જી પદ છોડવાનો ઇનકાર કરે, તો પશ્ચિમ બંગાળના રાજ્યપાલ (Governor of West Bengal) તેમને પદ પરથી બરતરફ કરવાની અને નવી ચૂંટાયેલી પાર્ટીને સરકાર બનાવવા માટે આમંત્રિત કરવાની સત્તા ધરાવે છે.

આ પણ વાંચો;  બંગાળમાં હાર બાદ મમતા બેનર્જીનું મોટું નિવેદન, 'હું રાજીનામું નહીં આપું, અમારી બેઠકો EC એ ચોરી છે!'