West Bengal Election : બીજા તબક્કાનું જંગ, 142 બેઠકો પર મતદાન અને દિગ્ગજોની પ્રતિષ્ઠા દાવ પર
- West Bengal Election : બીજા અને અંતિમ તબક્કામાં 142 બેઠકો માટે આજે મતદાન.
- મમતા બેનર્જી અને સુવેન્દુ અધિકારી વચ્ચે કાંટાની ટક્કર.
- બંગાળમાં શાંતિપૂર્ણ મતદાન માટે કેન્દ્રીય દળોની 2,321 કંપનીઓ તૈનાત.
- ગુજરાતી અને અન્ય સમુદાયોના પ્રભુત્વવાળી ભવાનીપુર બેઠક પર સૌની નજર.
- બીજા તબક્કામાં કુલ 3.21 કરોડ મતદારો ઉમેદવારોનું ભવિષ્ય નક્કી કરશે.
West Bengal Election : પશ્ચિમ બંગાળ વિધાનસભા ચૂંટણી હવે તેના નિર્ણાયક વળાંક પર પહોંચી ગઈ છે. આજે રાજ્યની 142 બેઠકો પર બીજા અને અંતિમ તબક્કાનું મતદાન (Second Phase Voting) શરૂ થઈ ચૂક્યું છે. આ તબક્કો મુખ્યત્વે દક્ષિણ બંગાળના જિલ્લાઓ પર કેન્દ્રિત છે, જે પરંપરાગત રીતે મમતા બેનર્જી (Mamata Banerjee) નો ગઢ માનવામાં આવે છે. ભારતીય જનતા પાર્ટી (BJP) આ ગઢમાં ગાબડું પાડવા માટે એડીચોટીનું જોર લગાવી રહી છે.
West Bengal Election : સુરક્ષાના કડક બંદોબસ્ત વચ્ચે મતદાન
ચૂંટણી પંચ (Election Commission) દ્વારા નિષ્પક્ષ અને હિંસામુક્ત મતદાન સુનિશ્ચિત કરવા માટે અભૂતપૂર્વ સુરક્ષા વ્યવસ્થા કરવામાં આવી છે. સાત જિલ્લાઓમાં કેન્દ્રીય સશસ્ત્ર પોલીસ દળો (Central Forces) ની 2,321 કંપનીઓ તૈનાત છે. ખાસ કરીને કોલકાતામાં સુરક્ષા સૌથી ચુસ્ત છે. ડ્રોન કેમેરા (Drones) અને તમામ મતદાન મથકો પર વેબકાસ્ટિંગ દ્વારા પળેપળની ગતિવિધિઓ પર નજર રાખવામાં આવી રહી છે.
ભવાનીપુર હાઈ-પ્રોફાઈલ જંગ
આ તબક્કાની સૌથી ચર્ચિત બેઠક ભવાનીપુર (Bhawanipur Seat) છે. અહીં મુખ્યમંત્રી મમતા બેનર્જી અને ભાજપના દિગ્ગજ નેતા સુવેન્દુ અધિકારી (Suvendu Adhikari) વચ્ચે સીધી ટક્કર છે. ભવાનીપુરને 'મિની ઈન્ડિયા' ગણવામાં આવે છે કારણ કે અહીં ગુજરાતી (Gujarati), મારવાડી, શીખ અને મુસ્લિમ સમુદાયના મતદારો નિર્ણાયક ભૂમિકા ભજવે છે.
#WATCH | West Bengal Elections 2026 | South 24 Parganas | Standing in line before voting begins at 7 am, a voter, Shankar Halda, says, "...The voting should happen peacefully. Clashes shouldn't happen anywhere..." https://t.co/mr0qqQ58my pic.twitter.com/81du9DBpRQ
— ANI (@ANI) April 29, 2026
ઉલ્લેખનીય છે કે પશ્વિમ બંગાળમાં કુલ 142 બેઠક પર મતદાન યોજાવવાનું છે. જેમાં કુલ મતદારો 3.21 કરોડ હતા. જો કે મહત્વના વિસ્તારોની વાત કરીએ તો કોલકાતા, હાવડા (Howrah), ઉત્તર અને દક્ષિણ 24 પરગણા, નાદિયા અને હુગલી છે. તેમજ ફિરહાદ હકીમ અને રાકેશ સિંહ વચ્ચે કોલકતા પોર્ટ પર જંગ છે.
રાજકીય સમીકરણો
વર્ષ 2021ની ચૂંટણીમાં આ 142 બેઠકોમાંથી તૃણમૂલ કોંગ્રેસે 123 બેઠકો જીતીને એકતરફી પ્રભુત્વ જમાવ્યું હતું. ભાજપ આ વખતે એન્ટી-ઈન્કમ્બન્સી અને કેન્દ્રીય યોજનાઓના જોરે આ આંકડો બદલવા માંગે છે. સંદેશખલી (Sandeshkhali) અને બેરકપોર જેવા સંવેદનશીલ વિસ્તારોમાં મતદાનની ટકાવારી પર સૌની નજર રહેશે.