સવારે 4:30 વાગ્યે લાગી આગ

મળતી માહિતી મુજબ, તારાપીઠ પોલીસ સ્ટેશન (Tarapith Police Station) નજીક આવેલા બિદિશિની હોટલ (Bidishini Hotel)ના ગ્રાઉન્ડ ફ્લોર પર સવારે આશરે 4:30 વાગ્યે અચાનક આગ લાગી હતી. હોટલ તળાવ પાસે આવેલું છે અને પોલીસ સ્ટેશનથી થોડે જ અંતરે હોવાથી ઘટનાની જાણ ઝડપથી થઈ હતી. આગની માહિતી મળતાં જ ફાયર બ્રિગેડ (Fire Brigade)ની ટીમ તાત્કાલિક ઘટનાસ્થળે પહોંચી હતી. ભારે જહેમત બાદ આગ પર કાબૂ મેળવવામાં આવ્યો હતો. હોટલમાં ફસાયેલા લોકોને બહાર કાઢવામાં આવ્યા અને ઘાયલોને સારવાર માટે રામપુરહાટ સરકારી મેડિકલ કોલેજ અને હોસ્પિટલ (Rampurhat Government Medical College and Hospital)માં ખસેડવામાં આવ્યા.

WestBengal Tarapith Hotel Fire: પશ્ચિમ બંગાળના તારાપીઠમાં મોટી દુર્ઘટના

તારાપીઠની હોટલમાં ભીષણ આગ, 7 લોકોના મોતથી ચકચાર
બિદિશિની હોટલમાં વહેલી સવારે ભીષણ આગ
સવારે 4:30 વાગ્યે ગ્રાઉન્ડ ફ્લોર પર લાગી આગ
અનેક લોકો ઘાયલ, કેટલાકની હાલત ગંભીર
ફાયર બ્રિગેડે ભારે જહેમત બાદ આગ પર કાબૂ… pic.twitter.com/nHued7HNSj

— Gujarat First (@GujaratFirst) August 17, 2026

મદદ માટે ચીસો પાડતા રહ્યા લોકો

આગ લાગ્યા બાદ હોટલમાં હાજર લોકો અને કર્મચારીઓ (Staff)માં ભયનો માહોલ ફેલાઈ ગયો હતો. ઘણા લોકો મદદ માટે બૂમો પાડી રહ્યા હતા. જોકે, બચાવ ટીમ પહોંચે તે પહેલાં આગે વિકરાળ સ્વરૂપ ધારણ કરી લીધું હતું. આગ પર કાબૂ મેળવવામાં આવે ત્યાં સુધીમાં 7 લોકોના જીવ ગયા હતા. હોટલમાંથી લોકોને સુરક્ષિત રીતે બહાર કાઢવામાં આવ્યા બાદ ઘાયલોને હોસ્પિટલ પહોંચાડવામાં આવ્યા, જ્યાં તેમની સારવાર ચાલી રહી છે. કેટલાક ઘાયલોની હાલત ગંભીર (Critical Condition) હોવાનું જણાવવામાં આવી રહ્યું છે.

શોર્ટ સર્કિટથી આગ લાગી હોવાની આશંકા

ફાયર વિભાગ (Fire Department)ના પ્રાથમિક મૂલ્યાંકન અનુસાર, આગ લાગવાનું સંભવિત કારણ શોર્ટ સર્કિટ (Short Circuit) હોઈ શકે છે. જોકે, આગનું ચોક્કસ કારણ હજુ સુધી સ્પષ્ટ થયું નથી. ઘટનાની જાણ થતાં તારાપીઠ અને રામપુરહાટ પોલીસ સ્ટેશનની પોલીસ (Police) પણ ઘટનાસ્થળે પહોંચી હતી. પોલીસે સમગ્ર મામલે તપાસ (Investigation) શરૂ કરી છે. આગ કયા કારણોસર લાગી અને આ દુર્ઘટના પાછળ કોઈ અન્ય કારણ જવાબદાર છે કે નહીં, તે અંગે તપાસ ચાલી રહી છે.

આ પણ વાંચો : Lakhisarai Temple Stampede : લખીસરાયના અશોકધામ મંદિરમાં ભગદડ, 7 મહિલા શ્રદ્ધાળુઓના મોત