Kalyan Banerjee Attack : પશ્ચિમ બંગાળ (West Bengal) ના હુગલી (Hooghly) જિલ્લામાં રાજકીય તણાવ ફરી એકવાર ચરમસીમાએ પહોંચ્યો છે. તૃણમૂલ કોંગ્રેસ (Trinamool Congress - TMC) ના સાંસદ કલ્યાણ બેનર્જી (Kalyan Banerjee) પર હુમલો થયાનો મામલો સામે આવતા રાજ્યની રાજનીતિમાં ભારે ગરમાવો આવ્યો છે. કલ્યાણ બેનર્જીએ આરોપ લગાવ્યો છે કે ભારતીય જનતા પાર્ટી (Bharatiya Janata Party - BJP) ના કાર્યકરોએ તેમના પર હુમલો કર્યો હતો, જેના કારણે તેમના માથામાં ઈજા પહોંચી હતી. બીજી તરફ BJPએ આ આરોપોને ફગાવી દેતા સમગ્ર ઘટનાને માત્ર રાજકીય નાટક ગણાવી છે.

ચંડીતાલા પોલીસ સ્ટેશન બહાર સર્જાયો વિવાદ

મળતી માહિતી અનુસાર, કલ્યાણ બેનર્જી હુગલી જિલ્લાના ચંડીતાલા પોલીસ સ્ટેશન (Chanditala Police Station) ખાતે મેમોરેન્ડમ (Memorandum) સુપરત કરવા પહોંચ્યા હતા. તેઓ TMC નેતા અભિષેક બેનર્જી (Abhishek Banerjee) પર થયેલા કથિત હુમલાના વિરોધમાં રજૂઆત કરવા અને અગાઉ ધરપકડ કરાયેલા TMC નેતાઓ તથા કાર્યકરોને મુક્ત કરવાની માંગ કરવા આવ્યા હતા. જોકે, મેમોરેન્ડમ સુપરત કરવામાં આવે તે પહેલાં જ TMC અને BJPના કાર્યકરો વચ્ચે ઉગ્ર સૂત્રોચ્ચાર (Slogan Shouting) શરૂ થઈ ગયો હતો, જેના કારણે સમગ્ર વિસ્તારમાં તણાવપૂર્ણ વાતાવરણ સર્જાયું હતું.

‘ચોર-ચોર’ના નારાથી વધ્યો વિવાદ - Kalyan Banerjee Attack

અહેવાલો અનુસાર, BJP કાર્યકરોએ TMC સમર્થકો સામે “ચોર-ચોર” ના નારા લગાવ્યા હતા. આ સૂત્રોચ્ચાર બાદ બંને પક્ષના સમર્થકો વચ્ચે તણાવ વધુ વધી ગયો હતો. પરિસ્થિતિ કાબૂમાં રાખવા માટે મોટી સંખ્યામાં પોલીસ (Police) અને કેન્દ્રીય સુરક્ષા દળો (Central Security Forces) તૈનાત કરવામાં આવ્યા હતા.

માથામાં ઈજા થવાનો TMC સાંસદનો દાવો

ઘટના બાદ કલ્યાણ બેનર્જી માથા પર ભીનો રૂમાલ બાંધેલા જોવા મળ્યા હતા. તેમણે આરોપ લગાવ્યો કે કોઈ અજાણ્યા વ્યક્તિએ તેમના પર બોલ (Ball) અથવા પથ્થર (Stone) જેવી વસ્તુ ફેંકી હતી, જેના કારણે તેમના માથામાં ઈજા પહોંચી હતી. તેમણે આ ઘટનાને લોકશાહી (Democracy) પર હુમલો ગણાવતા કહ્યું કે શાંતિપૂર્ણ રીતે વિરોધ નોંધાવવા જઈ રહેલા લોકો પર હુમલો કરવો અત્યંત નિંદનીય છે.

BJPએ આરોપોને ગણાવ્યા ખોટા

બીજી તરફ BJPએ કલ્યાણ બેનર્જીના તમામ આરોપોને નકારી કાઢ્યા છે. BJPના નેતાઓએ દાવો કર્યો છે કે TMC સાંસદને કોઈ ગંભીર ઈજા થઈ નથી અને તેઓ માત્ર રાજકીય સહાનુભૂતિ મેળવવા માટે નાટક કરી રહ્યા છે. BJPનું કહેવું છે કે આ સમગ્ર મામલો અભિષેક બેનર્જી સાથે જોડાયેલા મુદ્દાથી લોકોનું ધ્યાન ભટકાવવાનો પ્રયાસ છે.

રાજકીય તણાવ વચ્ચે તપાસ પર સૌની નજર

ઉલ્લેખનીય છે કે, કલ્યાણ બેનર્જી પર હુમલાના આક્ષેપો અને BJPના વળતા આરોપો વચ્ચે પશ્ચિમ બંગાળની રાજનીતિ ફરી ગરમાઈ ગઈ છે. હવે આ ઘટનાની તપાસ (Investigation) અને પોલીસના સત્તાવાર અહેવાલ પર સૌની નજર ટકેલી છે. ઘટનાએ રાજ્યમાં રાજકીય હિંસા (Political Violence) અને સુરક્ષાને લઈને ફરી એકવાર ગંભીર ચર્ચા જગાવી છે.

આ પણ વાંચો : Abhishek Banerjee Attack : અભિષેક બેનર્જી પર હુમલામાં પાંચની ધરપકડ, હુગલીમાં TMC રસ્તા પર ઉતરી !