Gujarat Rain Updates: નવસારીમાં આભ ફાટ્યું, 6 ઇંચ વરસાદથી જલાલપોર પાણી-પાણી!

નવસારી અને વલસાડ જિલ્લામાં ભારે વરસાદની આફત

આકાશી આફત આ વખતે નવસારી (Navsari) અને વલસાડ (Valsad) જિલ્લા પર વધુ જોવા મળી છે. નવસારીના જલાલપોરમાં સૌથી વધુ 6 ઇંચ વરસાદ નોંધાયો છે, જેના કારણે સ્થાનિક નદી-નાળાઓ છલકાયા છે. આ ઉપરાંત, નવસારી શહેરમાં પણ 5 ઇંચ જેટલો ભારે વરસાદ ખાબકતા સમગ્ર પંથક પાણી-પાણી થઈ ગયો છે. માર્ગો પર ઘૂંટણસમા પાણી ભરાઈ જવાથી વાહનવ્યવહારને વ્યાપક અસર પહોંચી છે.

વલસાડ જિલ્લાની વાત કરીએ તો, અહીંના પારડી (Pardi) તાલુકામાં 4 ઇંચ જેટલો નોંધપાત્ર વરસાદ વરસ્યો છે. સુરત (Surat) જિલ્લાના પલસાણા (Palsana) અને નવસારીના ચીખલી (Chikhli) પંથકમાં પણ મેઘરાજાએ ધમાકેદાર ઇનિંગ રમી છે અને અહીં 3 ઇંચ જેટલો વરસાદ સરકારી ચોપડે નોંધાયો છે.

Rain Update | રાજ્યમાં 24 કલાકમાં 111 તાલુકામાં વરસાદ | Gujarat First

નવસારીના જલાલપોરમાં 6 ઇંચ વરસાદ
નવસારીમાં 5 ઇંચ વરસાદથી પાણી-પાણી
વલસાડના પારડીમાં 4 ઇંચ વરસાદ વરસ્યો
પલસાણા અને ચીખલીમાં 3 ઇંચ વરસાદ
6 તાલુકામાં 2 ઇંચથી વધુ વરસાદ વરસ્યો
20 તાલુકામાં 1 ઇંચ સુધીનો વરસાદ… pic.twitter.com/Ds5v7AjZLk

— Gujarat First (@GujaratFirst) July 20, 2026

રાજ્યના અન્ય તાલુકાઓની સ્થિતિ

દક્ષિણ ગુજરાત સિવાય પણ રાજ્યના અન્ય વિસ્તારોમાં વરસાદી માહોલ જામ્યો છે. ડિઝાસ્ટર મેનેજમેન્ટ (Disaster Management) ના આંકડા મુજબ રાજ્યના 6 તાલુકામાં 2 ઇંચથી વધુ વરસાદ નોંધાયો છે.અન્ય 20 તાલુકા એવા છે જ્યાં 1 ઇંચ સુધીનો વરસાદ ખાબક્યો છે. બાકીના અન્ય તાલુકાઓમાં અડધા ઇંચથી લઈને સામાન્ય હળવા ઝાપટાં પડ્યા છે.

હવામાન વિભાગ (IMD - India Meteorological Department) ની આગાહી મુજબ આગામી દિવસોમાં પણ રાજ્યમાં વરસાદનું જોર યથાવત રહી શકે છેવહીવટી તંત્ર (Administration) દ્વારા નીચાણવાળા વિસ્તારોમાં રહેતા લોકોને સાવચેત રહેવા અપીલ કરવામાં આવી છે.

આ પણ વાંચો: દક્ષિણ ગુજરાતમાં મેઘરાજાની તોફાની બેટિંગ: સુરત શહેરના પોશ વિસ્તારો સહિત સમગ્ર પંથક પાણી-પાણી