Gujarat Rain : છેલ્લા 24 કલાકમાં 76 તાલુકામાં મેઘ મહેર, નવસારીમાં સાડા 4 ઈંચ વરસાદ વરસ્યો

Gujarat Rain :  નવસારીમાં સાડા 4 ઈંચ વરસાદ વરસ્યો

ઉલ્લેખનીય છે કે હવામાન વિભાગ દ્વારા જાહેર કરેલા આંકડા અનુસાર સૌથી વધુ વરસાદ નવસારી જિલ્લામાં નોંધાયો છે. જ્યાં સાડા ચાર ઈંચ જેટલો વરસાદ ખાબક્યો છે. આ ઉપરાંત જલાલપોર અને કામરેજ પંથકમાં પણ મેઘરાજા મનમૂકીને વરસ્યા હોય તેમ પોણા ચાર ઈંચ વરસાદ નોંધાયો છે. બીજી તરફ વલસાડ અને સાવરકુંડલામાં સાડા ત્રણ ઈંચ વરસાદને કારણે ઠેર-ઠેર પાણી ભરાયા છે.

ગુજરાતના અનેક વિસ્તારોમાં વરસાદી માહોલ

બીજી તરફ સુરત અને ધરમપુરમાં 3 ઈંચ વરસાદ થતાં જનજીવન પર અસર જોવા મળી હતી. આ ઉપરાંત રાજ્યના 8 તાલુકામાં 2 થી ઈંચ અને 15 તાલુકામાં 1 ઈંચથી વધુ વરસાદ નોંધાયો છે. બાકીના તાલુકામાં હળવાથી મધ્યમ વરસાદી ઝાપટાં પડ્યા છે. જો કે સતત વરસી રહેલા વરસાદથી ડેમ અને જળાશયોમાં નવા નીરની આવક થવાની શક્યતા છે.

આ પણ વાંચો : Vadodara એસિડ એટેક કેસ, પત્નીનો ચહેરો વિકૃત કરનાર પતિને આજીવન કેદની સજા