દક્ષિણ ગુજરાતના મુસાફરોને રાહત: અમદાવાદ-મુંબઈ વચ્ચે દોડતી ટ્રેન હવે નવસારી ઊભી રહેશે

દૈનિક મુસાફરો અને વેપારી વર્ગને મોટી રાહત

નવસારી ખાતે સ્ટોપેજ મંજૂર થવાના કારણે દક્ષિણ ગુજરાતમાંથી અમદાવાદ અને મુંબઈ તરફ અપ-ડાઉન કરતા હજારો દૈનિક મુસાફરો, નોકરિયાતો અને હીરા-કાપડ ઉદ્યોગ સાથે સંકળાયેલા વેપારીઓને મોટો ફાયદો મળશે. અગાઉ આ ટ્રેન નવસારી ઊભી ન રહેતી હોવાના કારણે સ્થાનિક લોકોને સુરત કે વલસાડ સુધી લાંબા થવું પડતું હતું, પરંતુ હવે ઘરઆંગણે જ સુપરફાસ્ટ સુવિધા ઉપલબ્ધ બનશે.

સી.આર. પાટીલે વડાપ્રધાન અને રેલવે મંત્રીનો માન્યો આભાર

નવસારીના સાંસદ અને કેન્દ્રીય જળશક્તિ મંત્રી સી.આર. પાટીલે (C.R. Paatil) આ મહત્વપૂર્ણ નિર્ણય બદલ વડાપ્રધાન નરેન્દ્રભાઇ મોદી (PM Narendra Modi) તેમજ કેન્દ્રીય રેલવે મંત્રી (Railway Minister) નો આભાર વ્યક્ત કર્યો હતો. તેમણે જણાવ્યું કે પ્રજાની વર્ષો જૂની રજૂઆતને કેન્દ્ર સરકારે પ્રાથમિકતા આપીને સ્વીકારી છે, જેનાથી સમગ્ર જિલ્લાના કનેક્ટિવિટી નેટવર્કને નવી મજબૂતી મળશે.

નવી વંદે ભારત અને સ્ટેશનોના નવીનીકરણનું આયોજન

આ ઉપરાંત, અમદાવાદ અને મુંબઈ વચ્ચે વધી રહેલા પેસેન્જર ટ્રાફિકને ધ્યાનમાં રાખીને વધુ એક નવી વંદે ભારત એક્સપ્રેસ (Vande Bharat Express) દોડાવવા અંગે પણ રેલવે મંત્રાલય દ્વારા ગંભીર વિચારણા ચાલી રહી છે. સુરત (Surat) અને ઉધના (Udhna) રેલવે સ્ટેશનના પુનર્વિકાસ એટલે કે રિડેવલપમેન્ટ (Station Redevelopment) ની કામગીરી પૂર્ણ થયા બાદ અન્ય કેટલીક મહત્વની લાંબા અંતરની ટ્રેનોને પણ વધારાના સ્ટોપેજ આપવાનું આયોજન હાથ ધરાશે.

આ પણ વાંચો: Good News: સરકારી કર્મચારીઓ માટે મોટા સમાચાર, વર્ગ-3 ના કર્મીઓ માટે નવા મેડિકલ બોર્ડની રચના