ચાલુ વરસાદમાં કેમિકલનો ઉપયોગ
સ્થાનિક સૂત્રોના જણાવ્યા અનુસાર, આ ટ્રેક પર કેમિકલ લગાવવાની કામગીરી અત્યંત ભેજવાળા અને ચાલુ વરસાદના વાતાવરણમાં કરવામાં આવી હતી. નિષ્ણાતોના મતે, આ પ્રકારના ટ્રેક માટે સૂકું વાતાવરણ અનિવાર્ય છે. આમ છતાં, કામગીરીમાં ઉતાવળ કરવામાં આવતા ટ્રેકનું આયુષ્ય અને મજબૂતી જોખમાઈ છે. પરિણામે, ટ્રેક પૂર્ણ થવાના આરે હતો ત્યાં જ તેમાં મોટું ગાબડું પડી ગયું છે.
4 કરોડનું આંધણ
નવસારી મહાનગરપાલિકા દ્વારા આ ટ્રેક માટે આશરે ₹ 4 કરોડની માતબર રકમ ફાળવવામાં આવી હતી. આ પ્રોજેક્ટનો મુખ્ય ઉદ્દેશ્ય સ્થાનિક રમતવીરો અને સરકારી પરીક્ષાની તૈયારી કરતા યુવાનોને અત્યાધુનિક સુવિધા પૂરી પાડવાનો હતો. જોકે, કામગીરીમાં દેખાયેલી ઘોર બેદરકારીને કારણે લાખો યુવાનોના સપના પર પાણી ફરી વળ્યું છે.
તંત્રની નિષ્ક્રિયતા પર રોષ
મહત્વનું છે કે, મેયરનો પદભાર સંભાળ્યા બાદ અશોકભાઈ ધોરાજીયાએ પોતે આ સ્થળની મુલાકાત લીધી હતી અને કામગીરીનું નિરીક્ષણ કર્યું હતું. વહીવટી તંત્રના વડાની હાજરી હોવા છતાં, એજન્સી દ્વારા કરવામાં આવેલી કામગીરીની નબળી ગુણવત્તાએ વહીવટી તંત્રની કામગીરી સામે અનેક સવાલો ઉભા કર્યા છે. હવે પ્રશ્ન એ થાય છે કે, શું જવાબદાર એજન્સી અને ફરજમાં ચૂક કરનાર અધિકારીઓ સામે કડક વહીવટી પગલાંલેવામાં આવશે? કે પછી આ કરોડોનો પ્રોજેક્ટ માત્ર કાગળ પર જ રહેશે? સ્થાનિક લોકો અને રમતવીરો આ મામલે ઉચ્ચસ્તરીય તપાસની માંગ કરી રહ્યા છે.
આ પણ વાંચોઃ Kheda News: નડિયાદમાં SMC ની મોટી કાર્યવાહી, હોટલના પાર્કિંગમાં પડેલી ટ્રકમાંથી દારૂ ઝડપ્યો
