Navsari News : વિજલપોરમાં બે પરિવારો વચ્ચે ખૂની જંગ જેવો માહોલ, બાઇક મુકવા બાબતે સામસામે લાકડીઓ ઉછળી

Navsari News : સામાન્ય બાબતે બે પરિવારમાં અથડામણ

ઉલ્લેખનીય છે કે આ લોહિયાળ મારામારીમાં બંન્ને પક્ષના લોકોને ઈજાઓ પહોચી હતી અને કેટલાક લોકોના માથામાં પણ ઈજા થઈ હતી. જેના કારણે ઘટનાસ્થળે ગભરાટનો માહોલ સર્જાયો હતો. આ અરસપરસ મારામારીની આખી ઘટના ત્યાં હાજર કોઈ વ્યક્તિએ તેનો વીડિયો બનાવી હોવાનું સામે આવ્યું છે. જે હાલ સોશિયલ મીડિયા પર વાયરલ થઈ રહ્યો છે.

બંન્ને પક્ષના લોકો થયા ઈજાગ્રસ્ત

ઘટનાની જાણ થતાં જ વિજલપોર પોલીસ તાત્કાલિક હરકતમાં આવી ગઈ હતી. પોલીસે સમય સૂચકતા વાપરીને મામલો વધુ ન વણસે તે માટે કડક કાર્યવાહી કરવાને બદલે સમજદારી દાખવી હતી અને બંને પક્ષોને પોલીસ સ્ટેશન બોલાવીને સુલેહ-શાંતિથી આ મામલે સમાધાન કરાવ્યું હતું. આ ઘટનાને કારણે સ્થાનિક વિસ્તારમાં ભારે ચર્ચાનો વિષય બન્યો છે કે કેવી રીતે નાની નાની બાબતોમાં લોકો ઉશ્કેરાઈ જતા હોય છે.

આ પણ વાંચો : Anand News : વિદ્યાનગરમાં ફાસ્ટફૂડની દુકાનમાં ભીષણ આગ, આસપાસના વિસ્તારમાં અફરાતફરીનો માહોલ