Navsari ના દરિયામાં મોટી દુર્ઘટના, 2.5 નોટિકલ માઈલ દૂર બોટ પલટતા 9 માછીમારો ફસાયા

તંત્ર દ્વારા યુદ્ધના ધોરણે બચાવ કામગીરી શરૂ

ઘટનાની ગંભીરતાને ધ્યાનમાં રાખીને તંત્ર તાત્કાલિક હરકતમાં આવ્યું છે. બોટ પલટી જવાની જાણ થતા જ જલાલપોર મામલતદાર તાત્કાલિક ઓંજલ માછીવાડ ગામે દોડી ગયા હતા. પરિસ્થિતિની ગંભીરતાને જોઈને મામલતદાર દ્વારા કોસ્ટ ગાર્ડ (તટરક્ષક દળ) ને તાત્કાલિક ધોરણે જાણ કરવામાં આવી છે અને દરિયામાં સર્વેલન્સ કરી રેસ્ક્યુ ઓપરેશન તેજ કરવા સૂચના આપી દેવામાં આવી છે.

અન્ય બોટની મદદથી રેસ્ક્યુના પ્રયાસો

હાલમાં દરિયામાં ફસાયેલા 9 માછીમારોને સુરક્ષિત બહાર લાવવા માટે અન્ય માછીમારી બોટોની મદદ લેવામાં આવી રહી છે. સ્થાનિક માછીમારો અને વહીવટી તંત્રના સંયુક્ત પ્રયાસોથી માછીમારોને હેમખેમ કિનારે લાવવાના સઘન પ્રયાસો ચાલુ છે. પરિસ્થિતિની નાજુકતા જોતા જરૂર પડ્યે ભારતીય તટરક્ષક દળ (કોસ્ટ ગાર્ડ) ના હેલિકોપ્ટરની મદદ લેવાની પણ વહીવટી તંત્ર દ્વારા સંપૂર્ણ તૈયારી રાખવામાં આવી છે.

આ ઘટનાને પગલે નવસારી પ્રાંત અધિકારીનો કાફલો પણ ઘટના સ્થળ એટલે કે ઓંજલ માછીવાડ જવા માટે રવાના થઈ ગયો છે. ઉચ્ચ અધિકારીઓ સ્થળ પર પહોંચીને સમગ્ર બચાવ કામગીરી પર સીધી નજર રાખી રહ્યા છે.

આ પણ વાંચો:  Rajkot લોધિકા સહકારી સંઘની ચૂંટણી બની ભાજપના દિગ્ગજો માટે પ્રતિષ્ઠાનો જંગ, જયેશ રાદડિયા અને પ્રશાંત કોરાટ જૂથ વચ્ચે ખેંચતાણ!