બદનામીનો ડર અને પૈસાની ખંડણી

પોલીસ તપાસ મુજબ, હિંમતભાઈ છેલ્લા એક મહિનાથી જૂનાગઢની હીના નામની મહિલા સાથે ફોન પર સંપર્કમાં હતા. 22 મેની રાત્રે હીના, લીખાળાના રોહિત વેકરિયા, ભોળાભાઈ સિંધવ અને અન્ય 2 અજાણ્યા શખ્સો હિંમતભાઈની વાડીએ પહોંચ્યા હતા. તેમણે બદનામી (Defamation) કરવાની ધમકી આપી 3 લાખ રૂપિયાની માંગણી કરી હતી. પાડોશી ખેડૂત રોહિતે મધ્યસ્થી કરી દોઢ લાખમાં સમાધાન કરાવ્યું હતું. ડરી ગયેલા હિંમતભાઈએ તે જ રાત્રે રોહિત સાથે ઘરે જઈને 80 હજાર રૂપિયા આરોપીઓને ચૂકવ્યા હતા, પરંતુ સમાજમાં આબરૂ જવાના ડરથી તેમણે મોડી રાત્રે જીવન ટૂંકાવ્યું હતું.

કોલ હિસ્ટ્રીથી ખૂલ્યો ભેદ

મૃતકના મોબાઈલની કોલ ડીટેઈલ (Call History) તપાસતા સમગ્ર કાવતરાનો ભાંડો ફૂટ્યો હતો. જેમાં હિંમતભાઈ અને મહિલા વચ્ચે છેલ્લા એક મહિનાથી વાતચીત થતી હોવાનું તથા આપઘાતની રાત્રે આરોપી રોહિત સાથે અનેકવાર ફોન પર વાત થઈ હોવાના પાક્કા પુરાવા (Evidence) પોલીસને મળ્યા હતા.

પોલીસ કાર્યવાહી અને આરોપીની ધરપકડ

આ ગંભીર ગુનામાં 9 જૂન, 2026ના રોજ સાવરકુંડલા રૂરલ પોલીસ સ્ટેશનમાં ભારતીય ન્યાય સંહિતા (BNS) ની કલમ 108, 30 અને 61 હેઠળ ગુનો નોંધવામાં આવ્યો છે. આ કેસમાં કુલ 5 આરોપીઓ (Accused) સામેલ છે. જેમાંથી મુખ્ય સૂત્રધાર રોહિત કડવાભાઈ વેકરિયાની પોલીસે ધરપકડ (Arrest) કરી છે. જ્યારે હીના અને અન્ય ૩ ફરાર આરોપીઓને પકડવા પોલીસે અલગ-અલગ ટીમો બનાવી સઘન તપાસ (Investigation) હાથ ધરી છે.

આ પણ વાંચો : Gondal Murder Case : આડા સંબંધોનો લોહિયાળ અંત, પત્નીએ પ્રેમી સાથે મળીને પતિને ઉતાર્યો મોતને ઘાટ