Amreli : જંગલ છોડી મારણ કરવા સાવજ ઘુસ્યા ગામમાં, પશુ મારણથી ગ્રામજનોમાં ફાફડાટનો માહોલ
- Amreli ના ગ્રામ્ય વિસ્તારોમાં સિંહના ધામા
- મારણ કરવા માટે સિંહ ગામમાં પહોંચ્યા
- ગામની શેરીઓમાં સિંહના વધ્યા આંટાફેરા
- ગ્રામીણ વિસ્તારમાં જોવા મળે છે સિંહ
- રાત્રીના સમયે સિંહના આંટાફેરા આવ્યા સામે
Amreli : અમરેલીના ખાંભાના ઇંગોરાળા ગામમાં મોડી રાત્રે સિંહ (lion) સાહી સવારી જોવા મળી હતી અને ગામમાં પશુનું (animals) મારણ કર્યુ હોવાની વાત સામે આવી છે. ઇંગોરાળા (ingorala) ગામમાં સિંહના આંટાફેરાનો વીડિયો સોશિયલ મીડિયામાં (social media) વાયરલ થયો હતો અને ઇંગોરાળા ગામમાં એક અઠવાડિયામાં સિંહ દ્વારા પશુના મારણની બીજી ઘટના સામે આવી છે. તો ગ્રામજનો દ્વારા આ વીડિયો વાયરલ કરવામાં આવ્યો છે અને વન વિભાગને પણ આ મામલે જાણ કરવામાં આવી છે.
ગામમાં સિંહે કર્યુ પશુનું મારણ
અમરેલીના ગામડા વિસ્તારમાં સિંહના આંટાફેરા જોવા મળતા હોય છે,ત્યારે અમરેલીના ઈંગોરાળા ગામની શેરીમાં સિંહના આંટાફેરા સામે આવ્યા છે અને સિંહ પશુનું મારણ કરી રહ્યો છે તેવો વીડિયો વાયરલ થયો છે. ગ્રામજનોના મતે સિંહે એક અઠવાડિયામાં બીજીવાર પશુનું મારણ કર્યુ હોવાની વાત સામે આવી છે. વીડિયોમાં સિંહ શાંતિથી શેરીઓમાં ફરી રહ્યો છે, જેને જોઈને લોકોમાં ભય સાથે આશ્ચર્ય પણ જોવા મળ્યું. ઘણા ગામજનોએ પોતાના મોબાઈલમાં સિંહના દર્શન કેદ કર્યા છે.
ગઈકાલે ધારી-Amreli રોડ પર એકસાથે 8 સિંહોએ રોડ ક્રોસ કર્યો
હાલ એક વીડિયો સોશિયલ મીડિયામાં ખૂબજ ઝડપથી વાયરલ થઈ રહ્યો છે, જેમાં ધારી-અમરેલી રોડ પર મોડી રાત્રે એકસાથે 8 સિંહનું ઝૂંડ રોડ ક્રોસ કરી રહેલું નજરે પડી રહ્યું છે. શિકારની શોધમાં મોડી રાતે હાઇવે ઉપર સિંહ પરિવાર રસ્તો પસાર કરતા જોવા મળ્યો હોવાનું જાણવા મળી રહ્યું છે. આ દરમિયાન રોડ પરથી પસાર થઈ રહેલા જેસીબીના ડ્રાઇવરે સિંહના ગ્રુપનો વિડિયો મોબાઇલમાં કેદ કર્યો હતો. આમ પણ અમરેલી જિલ્લામાં સૌથી વધારે સિંહોનો વસવાટ છે.
આ પણ વાંચો : Bhavnagar: પાલીતાણા શેત્રુંજય પર્વત પર ફરી સિંહ દેખાયો, વીડિયો વાયરલ