Amreli Road Accident: હોળીનો તહેવાર બન્યો લોહીયાળ, 48 કલાકમાં માર્ગ અકસ્માતોમાં 7 જિંદગીઓ હોમાઈ
- Amreli માં Road Accident ની હારમાળા નેશનલ હાઈવે બન્યો મોતના માર્ગ સમાન
- અમરેલીમાં હોળી ટાણે જ મરણચીસો: 48 કલાકમાં 7 લોકોના મોત!
- ભાવનગર-સોમનાથ રોડ પર ટ્રક-બાઈક વચ્ચે કાળમુખો અકસ્માત
- માસૂમ બાળક સહિત 3ના કરુણ મોત, ગુંદરણ પાસે સર્જાયો ભયાનક અકસ્માત
Amreli Road Accident: રંગોના પર્વ હોળી (Holi) અને ધૂળેટી (Dhuleti) નિમિત્તે જ્યારે સમગ્ર રાજ્ય ઉત્સાહમાં હતું, ત્યારે અમરેલી (Amreli Accident) જિલ્લા માટે આ તહેવાર કાળોતરો સાબિત થયો છે. છેલ્લા 48 કલાકમાં જિલ્લાના વિવિધ માર્ગો પર સર્જાયેલા ગમખ્વાર અકસ્માતોમાં (Road Accidents) કુલ 7 લોકોએ પોતાના જીવ ગુમાવ્યા છે. ખાસ કરીને નેશનલ હાઈવે (National Highway) પર વાહનોની વધતી અવરજવર અને બેદરકારીને કારણે અનેક પરિવારોએ પોતાના સ્વજનો ગુમાવ્યા છે, જેના કારણે સમગ્ર પંથકમાં ભારે આક્રંદ જોવા મળી રહ્યો છે.
Amreli Road Accident: નેશનલ હાઈવે પર કાળનો પંજો: ભાવનગર-સોમનાથ હાઈવે લોહીલુહાણ
સૌથી વધુ જાનહાનિ ભાવનગર-સોમનાથ નેશનલ હાઈવે (Bhavnagar-Somnath National Highway) પર નોંધાઈ છે. મોડી રાત્રે સર્જાયેલા એક ભયાનક અકસ્માતમાં એક ટ્રક (Truck) અને બાઈક (Bike) વચ્ચે જોરદાર ટક્કર થઈ હતી. આ અકસ્માત એટલો ગમખ્વાર હતો કે બાઈક પર સવાર 2 વ્યક્તિઓના ઘટનાસ્થળે જ કમકમાટીભર્યા મોત નીપજ્યા હતા. આ ઘટનાને પગલે હાઈવે પર ટ્રાફિક જામના દ્રશ્યો સર્જાયા હતા અને સ્થાનિક પોલીસે (Police) દોડી આવી તપાસ હાથ ધરી હતી.
Bhavnagar Ghogha Accident: ભાવનગરના ઘોઘામાં સર્જાયો ગમખ્વાર અકસ્માત
સાત દેરી પાસે નીલગાય સાથે બાઈક અથડાતા અકસ્માત
અકસ્માતમાં હિતેષભાઈ ગોહિલ નામના યુવકનું મોત
બાઈક ચાલક યુવકનું ઘટનાસ્થળે જ નીપજ્યું કરુણ મોત
ઘોઘા પોલીસનો કાફલો તાત્કાલિક ઘટનાસ્થળે પહોંચ્યો
અકસ્માતને પગલે ઘટનાસ્થળે… pic.twitter.com/Dl0oEuF2rZ— Gujarat First (@GujaratFirst) March 2, 2026
ગુંદરણ પાસે 6 વર્ષના બાળક સહિત 3ના મોત
બીજી તરફ, લીલીયા (Liliya) તાલુકાના ગુંદરણ (Gundaran) અને ઢાગલા (Dhagla) રોડ પર હૃદયદ્રાવક ઘટના બની હતી. મોડી સાંજે એક બાઈક ચાલકે આગળ જઈ રહેલા ભારે વાહનની પાછળ ધડાકાભેર બાઈક ઘુસાડી દીધું હતું. આ ગોઝારા અકસ્માતમાં એક 6 વર્ષના માસૂમ બાળક સહિત કુલ 3 લોકોના કરુણ મોત નીપજ્યા છે. એકસાથે ત્રણ જિંદગીઓ શાંત થઈ જતાં ગુંદરણ પંથકમાં અરેરાટી વ્યાપી ગઈ છે.
48 કલાકમાં કુલ 7 મોતથી તંત્ર ચિંતિત
આ અગાઉ પણ ભાવનગર-સોમનાથ હાઈવે (Bhavnagar-Somnath National Highway) પર બે અલગ-અલગ જગ્યાએ અકસ્માતો સર્જાયા હતા, જેમાં 2 લોકોએ જીવ ગુમાવ્યા હતા. આમ, માત્ર બે દિવસના ટૂંકા ગાળામાં અમરેલી (Amreli) જિલ્લામાં કુલ 7 લોકો માર્ગ અકસ્માતનો ભોગ બન્યા છે. તહેવારોના સમયે વાહનચાલકોની ઉતાવળ અને ટ્રાફિકના નિયમોનું ઉલ્લંઘન જીવલેણ સાબિત થઈ રહ્યું છે. હાલમાં પોલીસે તમામ અકસ્માતો અંગે ગુના નોંધી વધુ તપાસ શરૂ કરી છે, પરંતુ જે પરિવારોએ પોતાના દીકરા કે પિતા ગુમાવ્યા છે તેમના માટે આ હોળી ક્યારેય ન ભૂલી શકાય તેવો જખમ બની ગઈ છે.
આ પણ વાંચો: Vadodara: હવા ભરવાનું મશીન બન્યું કાળ! બાઇક ચાલકનો ભયાનક અકસ્માત, CCTV આવ્યા સામે