Aravalli માં પરિવર્તન કે પુનરાવર્તન? નગરપાલિકાની 42 બેઠકો માટે થશે ફેંસલો
- Aravalli માં રસાકસી ભર્યો ચૂંટણી જંગ
- નગરપાલિકાની 42 બેઠકો માટે આજે થશે ફેંસલો
- જિલ્લા પંચાયતની 30 બેઠકો માટે મતગણતરી શરૂ
- તાલુકા પંચાયતની 140 બેઠકોનું આજે આવશે પરિણામ
Aravalli: અરવલ્લી જિલ્લામાં સ્થાનિક સ્વરાજ્યની સંસ્થાઓ જેવી કે જિલ્લા પંચાયત (District Panchayat), તાલુકા પંચાયત અને નગરપાલિકાઓની ચૂંટણી પ્રક્રિયા હવે તેના અંતિમ તબક્કામાં પહોંચી છે. જિલ્લાની મોડાસા (Modasa) અને બાયડ (Boyad) નગરપાલિકાની 42 બેઠકો માટે મેદાનમાં ઉતરેલા 97 ઉમેદવારો (Candidates) નું ભાવિ આજે નક્કી થશે. તેવી જ રીતે, જિલ્લા પંચાયતની 30 બેઠકો માટે 87 ઉમેદવારો અને તાલુકા પંચાયતની 140 બેઠકો પર 401 ઉમેદવારો વચ્ચે ખરાખરીનો જંગ ખેલાયો છે. મતગણતરી (Counting of votes) ની પ્રક્રિયા જિલ્લાના મુખ્ય મથકો જેવા કે બાયડ, મોડાસા, શામળાજી, ભિલોડા, મેઘરજ, માલપુર, ધનસુરા અને સાઠંબા થઈ રહી છે. લોકોમાં ભારે ઉત્સુકતા છે કે સત્તાધારી પક્ષનું પુનરાવર્તન (Repetition) થશે કે જનતા પરિવર્તન (Change) નો માર્ગ અપનાવશે.
ગણતરીના રાઉન્ડ અને વહીવટી સજ્જતા
વહીવટી તંત્ર (Administration) દ્વારા મતગણતરીને લઈને સચોટ આયોજન કરવામાં આવ્યું છે. જિલ્લા પંચાયતની 30 બેઠકો માટે કુલ 80 રાઉન્ડમાં મતગણતરી હાથ ધરવામાં આવી છે., જ્યારે તાલુકા પંચાયતની 140 બેઠકો માટે સૌથી વધુ 109 રાઉન્ડ ચાલશે. નગરપાલિકાની 42 બેઠકો માટે પ્રક્રિયા પ્રમાણમાં ઝડપી રહેશે, જે માત્ર 11 રાઉન્ડમાં પૂર્ણ થશે. સમગ્ર પ્રક્રિયાને પારદર્શક (Transparent) બનાવવા માટે 6,124 જેટલા સ્ટાફના કર્મચારીઓને તૈનાત કરવામાં આવ્યા છે. મતગણતરી કેન્દ્રો પર કોઈ અનિચ્છનીય બનાવ ન બને તે માટે 1,500 જેટલા પોલીસ જવાનોનો ચુસ્ત સુરક્ષા બંદોબસ્ત (Security Arrangement) ગોઠવી દેવામાં આવ્યો છે. દરેક ગતિવિધિ પર ચાંપતી નજર રાખવામાં આવી રહી છે.
મતદાનની ટકાવારી અને જનતાનો મિજાજ
આ વખતની ચૂંટણીમાં મતદારોનો ઉત્સાહ નોંધપાત્ર રહ્યો છે. આંકડાકીય માહિતી (Statistical Data) મુજબ, જિલ્લા પંચાયતની બેઠકો માટે સરેરાશ 64.00 ટકા જેટલું મતદાન નોંધાયું છે, જ્યારે નગરપાલિકા વિસ્તારમાં મતદારો વધુ સજાગ જણાયા છે, જ્યાં 67.26 ટકા જેટલું ઊંચું મતદાન (Polling) થયું છે. શહેરી અને ગ્રામીણ વિસ્તારોમાં થયેલું આ મતદાન રાજકીય પક્ષો માટે નિર્ણાયક સાબિત થશે. ખાસ કરીને મોડાસા અને બાયડ પાલિકામાં કોનું શાસન આવશે તે જોવું રસપ્રદ રહેશે. મતગણતરી શરૂ થતાની સાથે જ જિલ્લાના તમામ તાલુકા મથકો (Taluka Headquarters) પર સમર્થકોની ભીડ જામવાની શક્યતા છે. સાચુ ચિત્ર તો ચૂંટણી પરિણામો આવ્યા બાદ જ સ્પષ્ટ થશે.
આ પણ વાંચોઃ Jamnagar માં લોકશાહીનો જંગ, 9 વાગ્યાથી મતગણતરીનો થશે પ્રારંભ