Bharuch News: જુમ્મા મસ્જિદનો દ્વાર 700 વર્ષ બાદ બંધ, જૈન સમરી વિહાર હોવાનો દાવો, જાણો સમગ્ર વિવાદ

દિવાલો અને પિલ્લરો પર દેવી-દેવતાઓની કોતરણી: દાવો

આ સમગ્ર વિવાદ પાછળ ઐતિહાસિક પુરાવાઓ અને દાવાઓ જવાબદાર છે. જુમ્મા મસ્જિદ વાસ્તવમાં વર્ષો જૂનું 'જૈન સમરી વિહાર' હોવાના દાવા સાથે છેલ્લા 6 મહિનાથી વિવિધ સંગઠનો દ્વારા અલગ-અલગ આંદોલનો ચલાવવામાં આવી રહ્યા હતા. આ દાવા છે કે મસ્જિદની અંદરની દિવાલો અને પિલ્લરો (સ્તંભો) ઉપર આજે પણ પ્રાચીન ભારતીય સંસ્કૃતિના વિવિધ દેવી-દેવતાઓની ભવ્ય કોતરણીઓ યથાવત જોવા મળે છે. આ કોતરણીઓ અને સ્થાપત્ય શૈલીને આધારે જ આ સ્થળ પ્રાચીન ધાર્મિક ધરોહર હોવાના મજબૂત દાવાઓ કોર્ટ અને વહીવટી તંત્ર સમક્ષ કરવામાં આવ્યા હતા, જેના કારણે સ્થાનિક સ્તરે ભારેલા અગ્નિ જેવી સ્થિતિ સર્જાઈ હતી.

ચુસ્ત પોલીસ બંદોબસ્ત વચ્ચે દબાણ હટાવવાની કામગીરી

કોઈપણ અનિચ્છનીય ઘટના ન બને અને કાયદો તેમજ વ્યવસ્થાની સ્થિતિ જળવાઈ રહે તે માટે તંત્ર દ્વારા વહેલી સવારથી જ કડક સુરક્ષા વ્યવસ્થા ગોઠવી દેવામાં આવી હતી. ભરૂચ બી-ડિવિઝન પોલીસ સહિતના ઉચ્ચ અધિકારીઓનો મોટો કાફલો ઘટનાસ્થળે ખડકી દેવામાં આવ્યો હતો. ચુસ્ત પોલીસ પ્રોટેક્શન હેઠળ પુરાતત્વ વિભાગે મસ્જિદની અંદર ગેરકાયદેસર રીતે ઉભી કરાયેલી દીવાલો કે અન્ય બાંધકામોને હટાવી છે.

આ પણ વાંચોઃ Bharuch News: મહિલાઓના વાળ ખરીદવાની આડમાં લાખોની ચોરી, 6 ઘરફોડ ચોરીના ગુનામાં 2 તસ્કરો ઝડપાયા

આ પણ વાંચોઃ Ankleshwar: ભડકોદરામાં પાણીની ટાંકી ધરાશાયી, તંત્રની બેદરકારી સામે સ્થાનિકોમાં ભારે આક્રોશ