Dahod Dog Attack News: રખડતા શ્વાને માસૂમને ફાડી ખાવા કર્યો પ્રયાસ, મોતના મુખમાંથી માંડ માંડ બચ્યો બાળક
- દાહોદ (Dahod) ના ગરબાડા (Garbaada) માં રખડતા શ્વાનનો ત્રાસ
- ઘર આંગણે રમતા 6 વર્ષના બાળક પર કર્યો હુમલો (Dog Attack)
- બાળકને મોઢા તેમજ માથાના ભાગે ગંભીર ઈજાઓ
- બાળકને સિવિલ હોસ્પિટલ ખાતે ખસેડવામાં આવ્યો
- માસૂમ બાળક પર હુમલાની ઘટનાને લઈને પરિવારજનોમાં તંત્ર સામે ભારે રોષ
Dahod Garbaada Dog Attack: દાહોદ (Dahod) જિલ્લાના ગરબાડા (Garbaada) તાલુકાના મીનાક્યાર ગામે રખડતા શ્વાનનો ત્રાસ પરાકાષ્ઠાએ પહોંચ્યો છે. આજે ગામમાં એક હૃદયદ્રાવક ઘટના બની હતી, જેમાં ઘરની બહાર રમી રહેલા એક 6 વર્ષના નિર્દોષ બાળક પર અચાનક એક ખૂંખાર શ્વાને હુમલો (Dog Attack) કરી દીધો હતો.
દાહોદ (Dahod) ના ગરબાડામાં 6 વર્ષના બાળક પર શ્વાનનો હુમલો
બાળક કંઈ સમજે તે પહેલા જ શ્વાને તેને દબોચી લીધો હતો અને મોઢા તેમજ માથાના ભાગે ગંભીર રીતે બચકા ભરીને લોહીલુહાણ કરી નાખ્યો હતો. બાળકની ચીસાચીસ સાંભળીને આસપાસના લોકો તાત્કાલિક ઘટનાસ્થળે દોડી આવ્યા હતા અને ભારે જહેમત બાદ બાળકને શ્વાનના ચુંગાલમાંથી છોડાવ્યો હતો.
પરિવારજનોમાં તંત્ર સામે ભારે રોષ
બાળકની હાલત ગંભીર જણાતા તેને તાત્કાલિક સારવાર અર્થે સિવિલ હોસ્પિટલ ખાતે ખસેડવામાં આવ્યો છે. આ ઘટનાને પગલે સમગ્ર પંથકમાં ફફડાટ ફેલાઈ ગયો છે. બીજી તરફ, માસૂમ બાળક પર થયેલા હુમલાને લઈને પરિવારજનોમાં તંત્ર સામે ભારે રોષ જોવા મળી રહ્યો છે. રખડતા શ્વાનોના ત્રાસથી ગ્રામજનો હવે ત્રાહિમામ પોકારી ઉઠ્યા છે.
અહેવાલ: રાહુલ ગારી , ગરબાડા
આ પણ વાંચો: Gujarat Monsoon 2026: આ વર્ષે ચોમાસાનો કેવો રહેશે મિજાજ? જાણો શું કહે છે હવામાનનો વરતારો