Viral Video: આ સવારી છે કે મોતનો કુવો? દાહોદમાં ટ્રાફિક નિયમોના સરેઆમ ધજાગરા, RTO સામે સવાલો

છત અને સાઈડમાં લટકીને પ્રવાસીઓ કરવા મજબૂર

આ વીડિયોમાં સ્પષ્ટ જોઈ શકાય છે કે, તુફાન ગાડીની અંદર તો મુસાફરો ખીચોખીચ ભરેલા છે જ, પરંતુ તે ઉપરાંત ગાડીની છત ઉપર અને સાઈડના ભાગે પણ મુસાફરો મોતના મુખમાં લટકીને મુસાફરી (Dangerous Travel) કરી રહ્યા છે. હાઈવે પર ફૂલ સ્પીડમાં જતી આ ગાડી જો સહેજ પણ સંતુલન ગુમાવે, તો મોટી જાનહાનિ થવાની પૂરેપૂરી આશંકા સેવાઈ રહી છે. રોજગારી અથવા અન્ય કામ અર્થે જતા નિર્દોષ મુસાફરો મજબૂરીવશ આવી જોખમી સવારી કરવા મજબૂર બન્યા છે.

દાહોદમાં જીવના જોખમે મુસાફરીનો વીડિયો વાયરલ
લીમખેડા હાઈવે ઉપર મુસાફરો જતી ગાડીનો વીડિયો વાયરલ
તુફાન ગાડીમા છત ઉપર અને સાઈડમાં લટકીને જતા મુસાફરો
RTO અને ટ્રાફિક પોલીસની કામગીરી સામે સવાલો ઉઠ્યા
ગુજરાત ફર્સ્ટ વાયરલ વીડિયોની પુષ્ટિ નથી કરતુ#Dahod #LimkhedaHighway #ToofanVehicle… pic.twitter.com/FLWJoLB4sq

— Gujarat First (@GujaratFirst) June 16, 2026

RTO અને ટ્રાફિક પોલીસની કામગીરી સામે ગંભીર સવાલો

આ વીડિયો સામે આવ્યા બાદ પ્રાદેશિક પરિવહન કચેરી (Regional Transport Office - RTO) અને સ્થાનિક ટ્રાફિક પોલીસની (Traffic Police) નિષ્ક્રિયતા સામે સ્થાનિક લોકોમાં ભારે આક્રોશ જોવા મળી રહ્યો છે. હાઈવે પર સતત પેટ્રોલિંગના દાવા કરતી પોલીસની નજર સામે આવા ઓવરલોડ વાહનો કેવી રીતે પસાર થાય છે, તે એક મોટો સવાલ છે. અકસ્માત નિયંત્રણ (Accident Control) માટે માત્ર કાગળ પર જ કામગીરી થતી હોવાના આક્ષેપો પણ થઈ રહ્યા છે. તંત્ર દ્વારા આવા વાહનચાલકો સામે ક્યારે કડક પગલાં લેવાશે તેની જનતા રાહ જોઈ રહી છે.

(નોંધ: ગુજરાત ફર્સ્ટ (Gujarat First) આ વાયરલ વીડિયોની સત્યતા કે સમયની કોઈ સત્તાવાર પુષ્ટિ કરતું નથી.)

આ પણ વાંચો: Khambhalia Jamnagar Highway પર ચાલતી XUV કારમાં બની આગનો ગોળો, 2 લોકો દાઝ્યા