Dahod Stray Dog Attack: રમતા રમતા બાળક પર કાળ ત્રાટક્યો, શ્વાને માથું ફાડી નાખ્યું
- દાહોદના સિંગવડમાં રખડતા શ્વાનનો કહેર!
- પહાડ ગામમાં ઘર આંગણે રમતા 5 વર્ષના બાળક પર હુમલો
- હિંસક શ્વાને માસૂમના માથા અને હાથના ભાગે ભર્યા બચકા
- લોહીલુહાણ હાલતમાં બાળકને સારવાર અર્થે હોસ્પિટલ ખસેડાયો
- સિંગવડ પંથકમાં શ્વાનોના આતંકથી ગ્રામજનોમાં ભયનો માહોલ
Dahod Stray Dog Attack : ગુજરાતના આદિવાસી બાહુલ્ય ધરાવતા દાહોદ જિલ્લામાં રખડતા શ્વાનોનો આતંક (Stray Dog Menace) દિવસેને દિવસે વધી રહ્યો છે. ખાસ કરીને ગ્રામીણ વિસ્તારોમાં શ્વાનો હવે એટલા હિંસક બન્યા છે કે તેઓ નાના બાળકોને પોતાનો શિકાર બનાવી રહ્યા છે. આવી જ એક હૃદયદ્રાવક ઘટના દાહોદના સિંગવડ (Singvad) તાલુકાના પહાડ ગામ (Pahad Village) માં બની છે, જ્યાં એક રખડતા શ્વાને 5 વર્ષના માસૂમ બાળક પર જીવલેણ હુમલો (Dog Attack) કર્યો હતો.
Dahod Stray Dog Attack : શ્વાને હુમલો કરી બાળકને પાડી દીધો
મળતી માહિતી મુજબ, પહાડ ગામમાં રહેતો આ માસૂમ બાળક પોતાના ઘરની બહાર આંગણામાં રમી રહ્યો હતો. આ દરમિયાન અચાનક એક હિંસક બનેલા રખડતા શ્વાને તેના પર હુમલો કરી દીધો હતો. શ્વાને બાળકને જમીન પર પાડી દઈને તેના માથા (Head Injury) અને હાથના ભાગે ગંભીર રીતે બચકા ભર્યા હતા. બાળકની ચીસાચીસ સાંભળી આસપાસના લોકો દોડી આવ્યા હતા અને મહામુસીબતે બાળકને શ્વાનના ચુંગાલમાંથી છોડાવ્યો હતો.
દાહોદના સિંગવડમાં રખડતા શ્વાનનો આતંક
પહાડ ગામમાં 5 વર્ષના બાળક પર શ્વાનનો હુમલો
શ્વાને બાળકને હાથ અને માથાના ભાગે બચકા ભર્યા
ઘરની બહાર જ બાળક પર શ્વાને હુમલો કર્યો
બાળકને હાલ સારવાર માટે હોસ્પિટલ ખસેડાયો#Dahod #Singvad #StrayDog #ChildInjured #BreakingNews #GujaratFirst pic.twitter.com/2xpPmoK5LK— Gujarat First (@GujaratFirst) February 23, 2026
માથાના ભાગે કર્યો ઊંડા ઘા
અત્યંત ગંભીર હાલતમાં લોહીલુહાણ થયેલા બાળકને તાત્કાલિક અસરથી નજીકની હોસ્પિટલ (Hospital Treatment) માં ખસેડવામાં આવ્યો હતો. ડોક્ટરોના જણાવ્યા અનુસાર, શ્વાને બાળકના માથાના ભાગે ઊંડા ઘા કર્યા હોવાથી તેની સ્થિતિ નાજુક છે અને હાલ સઘન સારવાર આપવામાં આવી રહી છે.
ઘટનાના પગલે સ્થાનિકોમાં રોષ
આ ઘટનાને પગલે સમગ્ર પહાડ ગામ અને સિંગવડ પંથકમાં ભારે રોષ સાથે ભયનો માહોલ જોવા મળી રહ્યો છે. સ્થાનિકોની ફરિયાદ છે કે વિસ્તારમાં રખડતા શ્વાનોની સંખ્યામાં સતત વધારો થઈ રહ્યો છે અને વહીવટી તંત્ર (Local Administration) આ સમસ્યાને ઉકેલવામાં નિષ્ફળ નીવડ્યું છે. જો તંત્ર દ્વારા વહેલી તકે શ્વાનોને પકડવાની કામગીરી શરૂ કરવામાં નહીં આવે, તો આગામી સમયમાં કોઈ ગંભીર જાનહાનિ થવાની ભીતિ પણ ગ્રામજનોએ વ્યક્ત કરી છે.
આ પણ વાંચો : Morbi Girl Accident : રમત-રમતમાં માસૂમનો જીવ ગયો, સ્પીડમાં આવતી કારે બાળકીને કચડી