દાહોદમાં વાવાઝોડાનું તાંડવ: સ્માર્ટ સિટી સાઇનનું બોર્ડ તૂટી પડતા બે લોકોના કમકમાટીભર્યા મોત

Smart City Board Collapse: દાહોદમાં ફૂંકાયેલા પ્રચંડ વાવાઝોડાના (Cyclone) કારણે ભારે વિનાશના દ્રશ્યો સર્જાયા છે. ગરબાડા ચોકડી (Garbada Chowkdi) નજીક વહીવટી તંત્ર દ્વારા લગાવવામાં આવેલું સ્માર્ટ સિટી (Smart City) નું એક મોટું સાઈન બોર્ડ કાળમુખા પવનના કારણે પત્તાના મહેલની જેમ ધરાશાયી થઈ ગયું હતું. આ ભારેખમ બોર્ડ નીચે દબાઈ જવાના કારણે બે નિર્દોષ લોકોના ઘટનાસ્થળે જ કમકમાટીભર્યા મોત નીપજ્યા છે. આ અકસ્માતમાં અન્ય બે લોકો ગંભીર રીતે ઇજાગ્રસ્ત (Injured) થયા હોવાના અહેવાલ છે, જેમને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યા છે.

પાલિકાની બેદરકારી? પતરાનો આખો શેડ જમીનદોસ્ત

વાવાઝોડાની તીવ્રતા એટલી વધારે હતી કે નગરપાલિકા (Municipality) દ્વારા સાર્વજનિક જગ્યા પર લગાવવામાં આવેલો પતરાનો આખો શેડ (Tin Shed) મૂળમાંથી ઉખડીને જમીન પર ઢળી પડ્યો હતો. સ્થાનિક લોકોના જણાવ્યા અનુસાર, પાલિકા દ્વારા કરવામાં આવેલા આ નબળા બાંધકામને કારણે મોટી દુર્ઘટના સર્જાઈ છે. પતરા ઉડીને જાહેર માર્ગો પર પડતા અફરાતફરીનો માહોલ સર્જાયો હતો અને વાહન વ્યવહારને પણ વ્યાપક અસર પહોંચી હતી.

દાહોદમાં વાવાઝોડાનો કહેર, 2 લોકોના મોત, 2 ગંભીર
ગરબાડા ચોકડી નજીક સ્માર્ટ સીટી સાઇનનું બોર્ડ ધરાશાયી#Dahod #Storm #WeatherUpdate #Accident #TragicIncident #Garbada #SmartCity #GujaratFirst pic.twitter.com/MjiCqa14dM

— Gujarat First (@GujaratFirst) June 1, 2026

અનેક વિસ્તારોમાં વૃક્ષો ધરાશાયી, તંત્ર એલર્ટ

વાવાઝોડાના આ તાંડવને કારણે દાહોદના અનેક સ્થાનીય વિસ્તારોમાં વર્ષો જૂના મોટા વૃક્ષો (Trees) અને વીજળીના થાંભલાઓ પણ ધરાશાયી થઈ ગયા છે. વૃક્ષો રસ્તા પર પડવાના કારણે કલાકો સુધી ટ્રાફિક જામની સ્થિતિ સર્જાઈ હતી. ઘટનાની જાણ થતા જ સ્થાનીય પોલીસ અને ડિઝાસ્ટર મેનેજમેન્ટની ટીમો ઘટનાસ્થળે દોડી ગઈ હતી અને રસ્તાઓ સાફ કરવાની તેમજ બચાવ કામગીરી શરૂ કરી દીધી છે. વાવાઝોડાના પગલે તંત્ર દ્વારા નાગરિકોને બિનજરૂરી બહાર ન નીકળવા અપીલ કરવામાં આવી છે.

આ પણ વાંચો: Gujarat Weather Bulletin: દાહોદ-પંચમહાલમાં ‘રેડ એલર્ટ’, અમદાવાદ સહિત મધ્ય ગુજરાતમાં ભારે પવન ફૂંકાશે