Dwarka News: ભાણવડના ક્રિષ્ણગઢમાં ઝેરી બી ખાવાથી 6 બાળકોની હાલત ગંભીર

ભાણવડથી ખંબાળિયાની હોસ્પિટલમાં રિફર કરાયા

પ્રાપ્ત વિગતો અનુસાર, ખેતરમાં રમી રહેલા આ બાળકોને ઝેરી વનસ્પતિ (Toxic Plants) ની જાણ ન હોવાથી તેમણે ભૂલથી તેના બી ખાઈ લીધા હતા. થોડી જ વારમાં બાળકોને ઉલ્ટી અને ચક્કર જેવી સમસ્યાઓ થતાં પરિજનો તાત્કાલિક તેમને સારવાર માટે ભાણવડની સરકારી હોસ્પિટલ માં લઈ ગયા હતા. જોકે, બાળકોની સ્થિતિ વધુ ગંભીર જણાતા અને પ્રાથમિક સારવાર બાદ પણ સુધારો ન આવતા ફરજ પરના તબીબોએ તેમને વધુ સારવાર માટે ખંભાળિયાની સિવિલ હોસ્પિટલ (Civil Hospital) માં તાકીદે રિફર કર્યા હતા.

બાળકના મામા અને પિતાએ આપી પ્રતિક્રિયા

હાલ તમામ બાળકોને સઘન તબીબી નિરીક્ષણ (Medical Observation) હેઠળ રાખવામાં આવ્યા છે. આ ઘટના અંગે ભોગ બનનાર બાળકના પિતા કિશન સોલંકી અને મામા ગોરધનભાઇ ભાણાભાઇએ જણાવ્યું હતું કે વાડીએ રમતાં રમતાં એરંડાના બી વાટીને ખાય ગયા છે. હાલ સારવાર ચાલુ છે. આ ઘટના માતાપિતા માટે લાલબત્તી સમાન છે.

આ પણ વાંચોઃ LIVE: Gujarat Latest News: ઘાતક હથિયારો સાથે 52 શખ્સોને પકડ્યા, સુરત પોલીસની કડક કાર્યવાહી