Dwarka Temple Timings: શનિ-રવિ દ્વારકા જવાનો પ્લાન છે? દર્શનના નવા સમય વિશે ખાસ જાણી લો

ત્રણ દિવસ સાંજે વહેલું ખુલશે મંદિર

વીકેન્ડ એટલે કે શનિવાર અને રવિવારની રજાઓમાં ભક્તોની ભારે ભીડ થવાની સંભાવના રહેલી છે. આ સંભવિત ભીડને સુવ્યવસ્થિત રીતે નિયંત્રિત કરવા માટે આગામી ત્રણ દિવસ સુધી દ્વારકાનું જગત મંદિર સાંજના સમયે નિયમિત 5 વાગ્યાને બદલે 1 કલાક વહેલું એટલે કે 4 વાગ્યે ખોલવામાં આવશે. જગતમંદિર દ્વારકાના વહીવટદાર હિમાંશુ ચૌહાણ દ્વારા આ સત્તાવાર જાહેરાત કરવામાં આવી છે. આ વ્યવસ્થા શ્રદ્ધાળુઓ માટે આશીર્વાદરૂપ સાબિત થશે.

વહીવટી તંત્રની ખાસ અપીલ

આ નવી સમય વ્યવસ્થાને કારણે મોટી સંખ્યામાં આવતા યાત્રિકો કોઈપણ પ્રકારની અગવડતા કે અરાજકતા વિના શાંતિપૂર્ણ રીતે કાળિયા ઠાકોરના દર્શનનો લાભ લઈ શકશે. પવિત્ર પુરુષોત્તમ માસમાં (Purushottam Maas) ભીડ પર નિયંત્રણ રાખવા અને કાયદો-વ્યવસ્થા જાળવવા માટે વહીવટી તંત્ર અને સુરક્ષાકર્મીઓ પણ તૈનાત કરવામાં આવ્યા છે. મંદિર પ્રશાસને તમામ ભક્તોને લાઈનબદ્ધ રીતે અને શાંતિપૂર્વક દર્શન કરી સહયોગ આપવા વિનંતી કરી છે.

આ પણ વાંચો: King of Sarangpur ના મેળવાયા કોપીરાઈટ, તમામ સર્ટિફિકેટ હનુમાનજીના ચરણોમાં અર્પણ