સગા ભાઈ હોય તો પણ સિધ્ધાંતો સાથે રાજનીતિ કરવી પડે: MLA Bhagwan Barad
- ધારાસભ્ય Bhagwan Barad ના નિવેદનથી રાજકીય ગરમાવો
- સામેના ઉમેદવાર મારા ગામના ભાણેજ છેઃ MLA Bhagwan Barad
- કોંગ્રેસ ઉમેદવાર મેરુભાઈ પંપાણીયાનો પલટવાર
- આવા નિવેદનોથી મારુ માથું શરમથી ઝૂકે છેઃ મેરુભાઈ
MLA Bhagwan Barad VS Merubhai Pampaniya: ગીર સોમનાથના રાજકારણમાં (Politics) અત્યારે પારિવારિક સંબંધો અને રાજકીય વિચારધારા વચ્ચેનો સંઘર્ષ જોવા મળ્યો છે. ભાજપના દિગ્ગજ નેતા અને ધારાસભ્ય ભગવાન બારડે (MLA Bhagwan Barad) એક સભામાં પોતાના તેવર બતાવતા સ્પષ્ટ કર્યું હતું કે સામેની પાંખે ચૂંટણી લડી રહેલા ઉમેદવાર ભલે મારા ગામના ભાણેજ હોય, પણ રાજનીતિમાં સંબંધો ગૌણ છે. તેમણે ભારપૂર્વક જણાવ્યું કે, "ભાણેજ ભાણેજની જગ્યાએ છે અને કુટુંબ (Family) કુટુંબની જગ્યાએ. જ્યારે રાજનીતિંમાં વાત સિદ્ધાંતોની (Principles) આવે ત્યારે સગા ભાઈ સામે પણ રાજકીય સંઘર્ષ કરવો પડે છે." ભગવાન બારડના આ નિવેદને પંથકના રાજકારણમાં ભારે ચર્ચા જગાવી છે.
"વિશ્વાસ તોડ્યો તો તમારા માટે મારા દરવાજા બંધ"
પોતાના પ્રવચન દરમિયાન ભગવાન બારડ વધુ આક્રમક મૂડમાં જોવા મળ્યા હતા. તેમણે મતદારોને ભાવનાત્મક રીતે અપીલ કરતા કહ્યું હતું કે, "તમે મારા પર મૂકેલો વિશ્વાસ (Trust) ક્યારેય તોડતા નહીં." તેમણે વધુમાં એક ગંભીર ચેતવણી આપતા ઉમેર્યું કે, જો આ વખતે મતદારોએ વિશ્વાસઘાત કર્યો તો ભવિષ્યમાં તેમના માટે મારા ઘરના દરવાજા કાયમ માટે બંધ (Closed Doors) થઈ જશે. એક લોકપ્રતિનિધિ દ્વારા મતદારોને આ પ્રકારે ચીમકી આપવામાં આવતા વિરોધ પક્ષોમાં તેની તીવ્ર પ્રતિક્રિયા જોવા મળી રહી છે.
લોકશાહીના મૂલ્યો પર મેરુભાઈ પંપાણીયાનો વળતો પ્રહાર
ભગવાન બારડના આ નિવેદન સામે કોંગ્રેસના ઉમેદવાર મેરુભાઈ પંપાણીયા (Merubhai Pampaniya) એ અત્યંત ગંભીરતાથી પલટવાર (Counterattack) કર્યો છે. મેરુભાઈએ આક્રોશ વ્યક્ત કરતા જણાવ્યું કે, "આવા નકારાત્મક નિવેદનો સાંભળીને મારું માથું શરમથી ઝૂકી જાય છે. જનતાને ડરાવીને કે ધમકાવીને મત મેળવવા એ લોકશાહીના મૂલ્યોની વિરુદ્ધ છે." તેમણે વધુમાં સ્પષ્ટ કર્યું કે તેઓ માત્ર એક જ્ઞાતિ કે આહિર સમાજના નહીં, પરંતુ તમામ 18 આલમ અને દરેક સમાજના પ્રતિનિધિ તરીકે મેદાનમાં છે. તેમના મતે આવા વિભાજનકારી (Divisive) નિવેદનોથી સમાજમાં ખોટો સંદેશ જાય છે અને લોકોમાં અંદરોઅંદર મતભેદ ઊભા થાય છે.
આવા નિવેદનોથી મારુ માથું શરમથી ઝૂકે છેઃ Merubhai Pampaniya
મેરુભાઈએ પોતાની ઉદારતા દર્શાવતા ભગવાન બારડને જવાબ આપ્યો કે, રાજનીતિમાં હાર-જીત થતી રહે છે, પણ લોકો પ્રત્યેનો સેવાનો ભાવ બદલાવો ન જોઈએ. તેમણે જાહેર કર્યું કે, "જે લોકો મને કે કોંગ્રેસને મત નથી આપવાના, તેમના માટે પણ મારા દરવાજા હંમેશા ખુલ્લા રહેશે." આમ, સોમનાથની આ બેઠક પર હવે 'મામા-ભાણેજ' વચ્ચેનો જંગ વ્યક્તિગત મટીને બે ભિન્ન વિચારધારાઓ અને કામ કરવાની પદ્ધતિઓ વચ્ચેની લડાઈ બની ગઈ છે.
આ પણ વાંચોઃ Rajkot Congress માં આંતરિક વિવાદ! મહેશ રાજપૂતે કાર્યાલયમાં પ્રવેશ ન કરતા અનેક સવાલો