India Canada Gujarat News: કેનેડામાં વધુ એક ગુજરાતીની હત્યા, બોરસદની 23 વર્ષીય યુવતીની નિર્મમ હત્યાથી આક્રંદ
India Canada Gujarat News: ગુજરાતમાંથી ઉચ્ચ અભ્યાસ અને ઉજ્જવળ ભવિષ્યના સપના સાથે વિદેશ ગયેલી વધુ એક દીકરીએ જીવ ગુમાવ્યો છે. આણંદ (Anand) જિલ્લાના બોરસદ (Borsad) ની વતની અને કેનેડા (Canada) ના નાયગ્રા (Niagara) ફોલ્સ વિસ્તારમાં રહેતી 23 વર્ષીય વિધી મેઘા (Vidhi Medha) ની અજાણ્યા હુમલાખોરો દ્વારા ચપ્પુના ઘા ઝીંકી હત્યા કરી દેવામાં આવી છે, જેના પગલે સમગ્ર પંથકમાં શોકનું મોજું ફરી વળ્યું છે.
Borsad ની યુવતીની કેનેડામાં ઘાતકી હત્યા
મળતી માહિતી મુજબ, મૃતક વિધી છેલ્લા 4 વર્ષથી કેનેડામાં અભ્યાસ અને નોકરી કરી રહી હતી. ગત 15 મેના રોજ તે પોતાના નિવાસસ્થાનેથી નીકળ્યા બાદ રહસ્યમય સંજોગોમાં ગુમ થઈ ગઈ હતી, અને ત્યારબાદ તેના મોતની ઘટના સામે આવતા પરિવાર પર દુઃખનો પહાડ તૂટી પડ્યો છે. આ ઘટનાને પગલે કેનેડામાં રહેતા ભારતીય સમુદાયમાં પણ રોષ અને ચિંતાની લાગણી જોવા મળી રહી છે.
વધુ એક ગુજરાતી યુવતીની વિદેશમાં હત્યા । Gujarat First
બોરસદની યુવતીની કેનેડાના નાયગ્રામાં હત્યા
23 વર્ષીય વિધી મેઘાને ચપ્પુના ઘા ઝીંકાયા
4 વર્ષથી કેનેડામાં અભ્યાસ-નોકરી કરતી હતી
15 મેના રોજ ઘરેથી નીકળ્યા બાદ બની ઘટના
પરિવાર અને વતનમાં શોકની લાગણી પ્રસરી#GujaratiNews… pic.twitter.com/E8BM8NZqac— Gujarat First (@GujaratFirst) May 28, 2026
કેનેડાની પોલીસે હાથ ધરી તપાસ
હાલ આ મામલે કેનેડિયન પોલીસ દ્વારા વધુ તપાસ હાથ ધરવામાં આવી છે, પરંતુ વિધીના પરિવારજનોએ વતનમાં તેની અંતિમવિધિ માટે મૃતદેહને ભારત લાવવા માટે સરકાર પાસે મદદની આજીજી કરી છે. એક હોનહાર દીકરીના અકાળે અવસાનથી બોરસદમાં તેના પરિવારમાં કલ્પાંત છવાયેલો છે.
આ પણ વાંચો: Gujarat Para Medical કોર્સમાં પ્રવેશ પ્રક્રિયાનો કાર્યક્રમ જાહેર, જુઓ સંપૂર્ણ વિગત