Hind First

Hind First (English)

› Other Districts › Amreli SP સહિત આખો પોલીસ પરિવાર પદયાત્રામાં જોડાયો, મંત્રીએ પદયાત્રીઓની કરી સેવા!

Amreli SP સહિત આખો પોલીસ પરિવાર પદયાત્રામાં જોડાયો, મંત્રીએ પદયાત્રીઓની કરી સેવા!

Amreli Bhurkhiya Hanuman Temple: સુપ્રસિદ્ધ યાત્રાધામ ભુરખિયા હનુમાન મંદિર (Bhurkhiya Hanuman Temple) ખાતે હનુમાન જયંતિ (Hanuman Jayanti Padyatra 2026) ની પૂર્વ સંધ્યાએ ભક્તિનું ઘોડાપૂર ઉમટ્યું છે. અમરેલી (Amreli) જિલ્લા સહિત આસપાસના વિસ્તારોમાંથી હજારો શ્રદ્ધાળુઓ પગપાળા ચાલીને દાદાના દર્શન કરવા પહોંચી રહ્યા છે. આ વર્ષે પદયાત્રામાં પ્રથમ વખત જિલ્લા પોલીસ વડા સહિતનો પોલીસ પરિવાર પણ શ્રદ્ધાપૂર્વક જોડાયો હતો.

Sarita Dabhi

10:07 AM Apr 02, 2026 IST

amreli sp સહિત આખો પોલીસ પરિવાર પદયાત્રામાં જોડાયો મંત્રીએ પદયાત્રીઓની કરી સેવા

અમરેલી Amreli) ના લાઠી તાલુકામાં આવેલ ભુરખિયા હનુમાન મંદિરે (Bhurkhiya Hanuman Temple) હનુમાન જયંતિ (Hanuman Jayanti) ની ઉજવણી
ભુરખિયા હનુમાનના દ્વારે પદયાત્રીઓનું ઘોડાપૂર ઉમટ્યું
પદયાત્રામાં પ્રથમ વખત જિલ્લા પોલીસ વડા સહિતનો પોલીસ પરિવાર પણ શ્રદ્ધાપૂર્વક જોડાયો
રાજ્યના ઉર્જા અને કાયદા મંત્રી કૌશિકભાઈ વેકરીયા (Minister Kaushik Vekariya) એ જાતે પીરસ્યો પ્રસાદ

Amreli Bhurkhiya Hanuman Temple: અમરેલી (Amreli) જિલ્લામાં હનુમાન જયંતિ (Hanuman Jayanti) ની પર્વની ભવ્ય ઉજવણી કરવામાં આવી રહી છે. લાઠી તાલુકામાં આવેલું સુપ્રસિદ્ધ યાત્રાધામ ભુરખિયા હનુમાન મંદિર (Bhurkhiya Hanuman Temple) લાખો ભક્તો માટે આસ્થાનું કેન્દ્ર છે. દર વર્ષની પરંપરા મુજબ આ વર્ષે પણ અમરેલીથી અંદાજે 40 કિલોમીટર દૂર આવેલા આ મંદિરે પહોંચવા માટે પદયાત્રીઓનો અવિરત પ્રવાહ જોવા મળી રહ્યો છે. શ્રદ્ધાળુઓ પોતાની મનોકામનાઓ પૂર્ણ કરવા માટે આખી રાત પદયાત્રા (Foot Pilgrimage) કરીને દાદાના દ્વારે પહોંચે છે. દર્શનાર્થીઓ અને ખાસ કરીને યુવા ભક્તોમાં આ યાત્રાને લઈને ભારે ઉત્સાહ જોવા મળ્યો હતો.

Amreli Bhurkhiya Hanuman Temple-Gujarat first3

અમરેલી Amreli) ના લાઠી તાલુકામાં આવેલ ભુરખિયા હનુમાન મંદિરે (Bhurkhiya Hanuman Temple) હનુમાન જયંતિ (Hanuman Jayanti) ની ઉજવણી

અમરેલીથી લાઠી સુધીના માર્ગો પર પદયાત્રીઓને કોઈ મુશ્કેલી ન પડે તે માટે સેવાભાવી સંસ્થાઓ (Charitable Organizations) દ્વારા ઠેર ઠેર સેવા કેન્દ્રો શરૂ કરવામાં આવ્યા છે. માર્ગમાં પીવાના પાણીથી લઈને ઠંડા પીણા અને નાસ્તાની વિશેષ વ્યવસ્થા (Special Arrangement) ઉભી કરવામાં આવી છે. આ સેવાભાવીઓ અને પદયાત્રીઓનો જુસ્સો વધારવા માટે રાજ્યના ઉર્જા અને કાયદા મંત્રી કૌશિકભાઈ વેકરીયા (Minister Kaushik Vekariya) એ રૂબરૂ મુલાકાત લીધી હતી. મંત્રીએ વિવિધ સ્ટોલ અને મંડપની મુલાકાત લઈને જાતે પ્રસાદનું વિતરણ કર્યું હતું અને ભક્તો સાથે સંવાદ કર્યો હતો. મંદિરના પૂજારી અને સેવાભાવીઓએ આ આયોજનને સફળ બનાવવા માટે ભારે જહેમત ઉઠાવી છે.

અમરેલી એસપી સહિતના અધિકારીઓએ ભુરખિયા દાદાના દ્વારે

આ વર્ષની પદયાત્રામાં એક વિશેષ આકર્ષણ અમરેલી જિલ્લા પોલીસ (Amreli District Police) પરિવારની સહભાગીદારી રહી હતી. જિલ્લા પોલીસ વડા (SP) સંજય ખરાત, નાયબ પોલીસ અધિક્ષક (DySP) સહિતના ઉચ્ચ અધિકારીઓ અને પોલીસ કર્મચારીઓ પોતાના પરિવાર સાથે મોડી રાત્રે પદયાત્રામાં જોડાયા હતા. એસપી સંજય ખરાતે જણાવ્યું હતું કે આ પદયાત્રા દ્વારા આવનારા સમયમાં ગુજરાતમાં સારો વરસાદ (Good Rainfall) પડે અને ખેડૂતો આર્થિક રીતે મજબૂત બને તેવી દાદાને પ્રાર્થના કરવામાં આવી છે. પોલીસ અધિકારીઓ અને જવાનોએ શ્રદ્ધા સાથે ભક્તિના રંગે રંગાઈને પદયાત્રા પૂર્ણ કરી હતી.

Amreli Bhurkhiya Hanuman Temple-Gujarat first3

ભક્તોએ હનુમાન દાદાના દર્શન કરીને ધન્યતા અનુભવી

હનુમાન જયંતિના આ પવિત્ર અવસરે ભુરખિયા હનુમાન મંદિર અને તેના તરફ જતા તમામ માર્ગો પર મધરાતે પણ હજારોની મેદની જોવા મળી હતી. આસ્થા અને ભક્તિના સંગમ સમાન આ પદયાત્રામાં લાખો ભક્તોએ હનુમાન દાદાના દર્શન કરીને ધન્યતા અનુભવી હતી. સમગ્ર અમરેલી જિલ્લો હાલમાં મારુતિ નંદનના જયઘોષથી ગુંજી રહ્યો છે.

અહેવાલ: જૈનિક સોજીત્રા

આ પણ વાંચો: LIVE:Hanuman Jayanti 2026: હનુમાન જયંતિ અને પૂર્ણિમા નિમિત્તે મંદિરોમાં શ્રદ્ધાળુઓનું મહેરામણ! જુઓ પાવાગઢ, દ્વારકા અને ખેડાના અદભૂત દ્રશ્યો

વધુ વાંચો

Tags :