ખેડા જિલ્લાના 12 Police Inspectors ની આંતરિક બદલીઓ
સ્થાનિક સ્વરાજ્યની ચૂંટણીને લઈ બદલીઓના હુકમ
ખેડા જિલ્લા પોલીસ વડા વિજય પટેલના આદેશ
બદલીઓને પગલે જિલ્લાના પોલીસ બેડામાં ભારે ચર્ચાઓ

Police Inspectors Transfer: ખેડા (Kheda) જિલ્લામાં આગામી સમયમાં યોજાનારી સ્થાનિક સ્વરાજ્યની ચૂંટણીઓ (Local Body Elections) ને ધ્યાનમાં રાખીને વહીવટી તંત્ર દ્વારા તૈયારીઓ તેજ કરી દેવામાં આવી છે. કાયદો અને વ્યવસ્થાની સ્થિતિ વધુ સુદ્રઢ બનાવવાના હેતુથી ખેડા જિલ્લા પોલીસ વડા (District Police Chief) વિજય પટેલ (Vijay Patel) દ્વારા તાત્કાલિક અસરથી જિલ્લાના 12 પોલીસ ઇન્સ્પેક્ટરો (Police Inspectors - PI) ની આંતરિક બદલીઓના હુકમ કરવામાં આવ્યા છે.

જાણો કોની ક્યાં થઇ બદલી?

પોલીસ વડા દ્વારા બહાર પાડવામાં આવેલી યાદી મુજબ, સેવાલીયા (Sevaliya) થી પી.આઈ. એ.આર. ઝાલા (A. R. Zala) ને સાયબર સેલ (Cyber Cell) માં મૂકવામાં આવ્યા છે. જ્યારે લીવ રિઝર્વ (Leave Reserve) માં રહેલા અધિકારીઓને પણ મહત્વની જવાબદારી સોંપાઈ છે. જેમાં પી.એ. જાદવ (P. A. Jadav) ને મહુધા (Mahudha), એમ.જે. બરોટ (M. J. Barot) ને એલ.આઈ.બી. (LIB), બી.પી. પટેલ (B. P. Patel) ને ડાકોર (Dakor), એ.જી. રાઠોડ (A. G. Rathod) ને મહેમદાવાદ (Mahemdavad), અને એમ.આર. બારોટ (M. R. Barot) ને નડીઆદ રૂરલ (Nadiad Rural) ખાતે નિમણૂક આપવામાં આવી છે. આ ઉપરાંત ડી.ડી. સિમ્પી (D. D. Simpi) ને એસ.ઓ.જી. (SOG) માં બદલી કરવામાં આવી છે.

ચૂંટણીલક્ષી વ્યૂહરચનાના ભાગરૂપે ફેરફાર

ચૂંટણી દરમિયાન સંવેદનશીલ વિસ્તારોમાં શાંતિ જળવાઈ રહે તે માટે અનુભવી અધિકારીઓને મહત્વના પોલીસ સ્ટેશનોમાં શિફ્ટ કરવામાં આવ્યા છે. કપડવંજ (Kapadvanj) થી જે.ડી. દેવડા (J. D. Devda) ની માતર (Matar) ખાતે, અને મહુધાથી આર.કે. ગોહિલ (R. K. Gohil) ની કઠલાલ (Kathlal) ખાતે બદલી કરાઈ છે. ચકલાસી (Chaklasi) ના પી.આઈ. એસ.કે. કંબોડ (S. K. Kambod) ને ડાકોર ખાતે મોકલવામાં આવ્યા છે. જ્યારે મહેમદાવાદના આર.આઈ. સોલંકી (R. I. Solanki) હવે કપડવંજની જવાબદારી સંભાળશે. છેલ્લે, નડીઆદ રૂરલના જે.એચ. વાઘેલા (J. H. Vaghela) ની વડતાલ (Vadtal) ખાતે બદલી કરવામાં આવી છે. આ બદલીઓને પગલે સમગ્ર જિલ્લાના પોલીસ બેડામાં ભારે ચર્ચાઓ જાગી છે.

આ પણ વાંચો: ગુજરાત વહીવટી તંત્રમાં મોટો ફેરબદલ: 3 IAS અધિકારીઓની બદલી અને સચિવને મળ્યું 1 વર્ષનું Extension