Nadiad: બિલ્ડરની શાન ઠેકાણે લવાઈ! Atul Patel ના ગેરકાયદે બાંધકામનો ખેલ ખતમ

લાંબા સમયથી બિલ્ડર Atul Patel કરતો હતો હેરાન

નડિયાદ કોલેજ રોડ (College Road) વિસ્તારના શીતવંદન કોમ્પ્લેક્સમાં (Sheetvandan Complex) રહેતા રહીશો અને ત્યાંના દુકાનદારો લાંબા સમયથી બિલ્ડર અતુલની મનમાનીથી પરેશાન હતા. બિલ્ડર અતુલ પટેલે (Atul Patel) કોમ્પ્લેક્સનું બેઝમેન્ટ પાર્કિંગ (Basement Parking) બંધ કરી અન્યને ભાડે આપી દીધું હતું. એટલું જ નહીં રહીશોને હેરાન કરવાના આશયથી આગળનું પાર્કિંગ પણ બંધ કરી દીધી હતુ. બિલ્ડર અતુલ પટેલે કોઈપણ જાતની વહીવટી મંજૂરી વિના કોમ્પ્લેક્સની ઉપર વધારાના બે માળ એટલે કે છઠ્ઠા અને સાતમા માળનું બાંધકામ કરી દીધું હતું. આ ગેરકાયદે માળ બનાવી તેને વેચવાનો કારસો રચવામાં આવ્યો હતો. આટલું ઓછું હોય તેમ, આ બાંધકામ પેઈંગ ગેસ્ટ (Paying Guest) તરીકે ભાડે આપી બિલ્ડર દ્વારા આર્થિક લાભ લેવામાં આવી રહ્યો હતો.

નોટિસની અવગણના અને તંત્રની કાર્યવાહી

આ મામલે કંટાળેલા રહીશોએ નડિયાદ મહાનગરપાલિકામાં (Nadiad Municipal Corporation) લેખિત અરજી કરી હતી. અગાઉ રહિશોએ કલેક્ટરને પણ રજૂઆત કરી હતી. જો કે કોઈ નક્કર પરિણામ આવ્યું ન હતુ. જે બાદ સ્થાનિકોએ મીડિયા સમક્ષ પોતાની મુશ્કેલીઓ રજૂ કરી હતી. જે બાદ નડિયાદ મનપાનું તંત્ર હરકતમાં આવ્યું હતુ અને ગત 20 માર્ચના રોજ બિલ્ડરને નોટિસ ફટકારી હતી. જેમાં ત્રણ દિવસમાં ગેરકાયદે બાંધકામ દૂર કરી જાણ કરવા સૂચના અપાઈ હતી. જોકે, બિલ્ડરે આ નોટિસને ગંભીરતાથી લીધી નહોતી. તેણે સંતોષકારક જવાબ રજૂ કર્યો ન હતો. જે બાદ મનપાનું તંત્ર હરકતમાં આવ્યું હતુ.  આજે પાલિકાની ટીમ સીલ મારવા પહોંચી ત્યારે બિલ્ડર અને કર્મચારીઓ વચ્ચે ઉગ્ર બોલાચાલી પણ થઈ હતી, પરંતુ તંત્રએ નમતું જોખ્યું નહોતું.પા

1. ર્કિંગની જગ્યા ખુલ્લી કરાઈ

મહાનગરપાલિકાની ટીમે બેઝમેન્ટ પાર્કિંગમાં કરવામાં આવેલું ગેરકાયદે બાંધકામ તોડી પાડ્યું છે અને પાર્કિંગની જગ્યા ખુલ્લી કરાવી છે. આ ઉપરાંત મંજૂરી વિના તૈયાર કરાયેલા કોમ્પ્લેક્સના છઠ્ઠા અને સાતમા માળને સીલ કરી દેવામાં આવ્યા છે. પાલિકાની આ કડક કાર્યવાહીથી શહેરના અન્ય ગેરકાયદે બાંધકામ કરનારા તત્વોમાં ફફડાટ વ્યાપી ગયો છે.

આ પણ વાંચોઃ Kheda: બિલ્ડરના ત્રાસ સામે નડિયાદ મનપા મૌન કેમ? રહિશોના બિલ્ડર અતુલ પટેલ સામે ગંભીર આક્ષેપો