ધારાસભ્ય Chaitar Vasava ની મુશ્કેલી વધી, ભરૂચ કોર્ટનું તેડું, જાણો સમગ્ર મામલો
- MLA Chaitar Vasava ની કાયદાકીય મુશ્કેલીઓમાં ફરી વધારો
- પોલીસ વિરુદ્ધ વિવાદાસ્પદ નિવેદન બદલ કોર્ટે નોટિસ ફટકારી
- 23 જૂને ભરૂચ કોર્ટમાં હાજર થવા આદેશ કરાયો
MLA Chaitar Vasava: આમ આદમી પાર્ટીના ડેડિયાપાડાના ધારાસભ્ય ચૈતર વસાવાની મુશ્કેલીઓ ઓછી થવાનું જ નામ જ નથી લઈ રહી. ચૈતર વસાવા એક બાદ એક કેસમાં ફસાઈ રહ્યા છે. ઝઘડિયા GIDC પોલીસ સ્ટેશનમાં નોંધાયેલી બે ફરિયાદો બાદ હવે ભરૂચની કોર્ટે (Court) નોટિસ ફટકારી છે. આ મામલો જુલાઈ 2024માં ધારાસભ્ય ચૈતર વસાવા દ્વારા પોલીસ વિભાગ વિરુદ્ધ કરવામાં આવેલા એક વિવાદાસ્પદ નિવેદન (Statement) સાથે જોડાયેલો છે. ભરૂચના ચીફ જ્યુડિશિયલ મેજિસ્ટ્રેટ ભાવિન જોશીએ આ સંદર્ભે કડક વલણ અપનાવી ધારાસભ્યને હાજર થવા આદેશ કર્યો છે.
બદનક્ષીનો કેસ
ધારાસભ્ય ચૈતર વસાવાએ 'INDIA' ગઠબંધનની ઓફિસ ખાતે એવું નિવેદન આપ્યું હતું. આ નિવેદનમાં તેમણે આખા ગુજરાતની પોલીસ દારૂ વેચતી હોવાની છબી ઊભી કરવાનો પ્રયાસ કર્યો હોવાનો આક્ષેપ કરાયો છે. આ નિવેદનને પોલીસની મોટી બદનક્ષી સમાન ગણવામાં આવ્યું છે. આ નિવેદનને ગંભીરતાથી લઈને ભરૂચના તત્કાલીન એસપી મયુર ચાવડાએ આપેલા રિપોર્ટના આધારે મુખ્ય સરકારી વકીલ પરેશ પંડ્યાએ કોર્ટમાં ફરિયાદ દાખલ કરી હતી. સરકારી વકીલની દલીલો સાંભળ્યા બાદ, કોર્ટે અવલોકન કર્યું કે આ નિવેદન પોલીસ દળની બદનક્ષી (Defamation) સમાન છે, પરિણામે ધારાસભ્ય વિરુદ્ધ નોટિસ ફટકારવામાં આવી છે.
23 જૂને કોર્ટમાં હાજર રહેવા આદેશ
ભરૂચની કોર્ટે આ મામલે સ્પષ્ટતા કરતા ધારાસભ્ય ચૈતર વસાવાને આગામી ૨૩ જૂનના રોજ કોર્ટમાં રૂબરૂ હાજર રહેવા માટેનું તેડું (Summons) મોકલ્યું છે. પોલીસની છબી ખરડવાના પ્રયાસ બદલ થયેલી આ કાર્યવાહીથી રાજકીય આલમમાં પણ ગરમાવો જોવા મળી રહ્યો છે. અગાઉના કેસો અને હવે આ નવી નોટિસને કારણે ચૈતર વસાવા માટે કાયદાકીય જંગ (Legal Battle) વધુ જટિલ બન્યો છે, જેની સીધી અસર તેમના રાજકીય ભવિષ્ય અને આગામી કાર્યક્રમો પર પડી શકે છે.
આ પણ વાંચોઃ Deesa ના રામપુરામાં ACB નો સપાટો, 15 હજારની લાંચ લેતા તલાટી રંગે હાથ પકડાઈ ગયા