Morbi Girl Accident : રમત-રમતમાં માસૂમનો જીવ ગયો, સ્પીડમાં આવતી કારે બાળકીને કચડી

• મોરબીમાં કાળમુખી કારે માસૂમનો જીવ લીધો!
• પટેલનગરની શેરીમાં રમતી 2 વર્ષની બાળકી પર ફરી વળી કાર
• બેદરકાર બલેનો ચાલકની ટક્કરે ધનશ્રી વડસોલાનું કરૂણ મોત
• હોસ્પિટલમાં સારવાર દરમિયાન તોડ્યો દમ, પરિવારમાં આક્રંદ
• એ-ડિવિઝન પોલીસે કાર ચાલક વિરુદ્ધ ગુનો નોંધી હાથ ધરી તપાસ

Morbi Girl Accident : મોરબી શહેરમાંથી એક અત્યંત હૃદયદ્રાવક સમાચાર સામે આવ્યા છે. શહેરના આલાપ રોડ (Alap Road) પર આવેલા પટેલનગર વિસ્તારમાં એક માસૂમ બાળકીના મોતે સમગ્ર પંથકમાં અરેરાટી ફેલાવી દીધી છે. શેરીમાં રમી રહેલી માત્ર બે વર્ષની બાળકી પર પૂરપાટ ઝડપે આવતી એક કાર ફરી વળતા તેનું કરૂણ મોત નીપજ્યું છે. આ ઘટનાએ ફરી એકવાર રહેણાંક વિસ્તારોમાં વાહનોની ગતિ અને ડ્રાઈવિંગમાં દાખવવામાં આવતી બેદરકારી (Negligent Driving) સામે મોટા સવાલો ઉભા કર્યા છે.

Morbi Girl Accident : બાળકી ઘર પાસે રમી રહી હતી

મળતી વિગતો અનુસાર, ધનશ્રી વાસુદેવભાઈ વડસોલા નામની બે વર્ષની બાળકી પોતાના ઘર પાસેની શેરીમાં રમી રહી હતી. આ દરમિયાન નીરવભાઈ મહાદેવભાઈ ભોરણીયા નામના શખ્સે પોતાની બલેનો કાર (Baleno Car) અત્યંત બેદરકારીપૂર્વક અને સ્પીડમાં ચલાવીને શેરીમાં રમતી નિર્દોષ બાળકીને જોરદાર ટક્કર મારી હતી. કારની ટક્કર એટલી પ્રચંડ હતી કે માસૂમ ધનશ્રી ગંભીર રીતે લોહીલુહાણ થઈ ગઈ હતી.

બાળકીનું સારવાર દરમિયાન મોત

અકસ્માતને પગલે આસપાસના લોકો એકઠા થઈ ગયા હતા અને પરિવારજનોએ તાત્કાલિક ધોરણે બાળકીને સારવાર માટે હોસ્પિટલ ખસેડી હતી. જોકે, નસીબને કાંઈક બીજું જ મંજૂર હતું. હોસ્પિટલમાં સારવાર દરમિયાન ઈજાઓ વધુ ગંભીર હોવાથી આ નાનકડી કળીએ દુનિયાને અલવિદા કહી દીધું હતું. હસતા-રમતા બાળકની ચીસ અને ત્યારબાદ તેના મોતે પરિવારની તમામ ખુશીઓ એક જ પળમાં છીનવી લીધી છે.

પોલીસે તાત્કાલિક કાર્યવાહી ધરી

આ મામલે મોરબી એ-ડિવિઝન પોલીસે (Morbi A-Division Police) તાત્કાલિક કાર્યવાહી હાથ ધરી છે. પોલીસે કાર ચાલક નીરવભાઈ ભોરણીયા સામે ગુનો નોંધીને કાયદેસરની તપાસ શરૂ કરી છે. પરંતુ, સવાલ એ થાય છે કે શું માત્ર ગુનો નોંધવાથી ગયેલો જીવ પાછો આવશે? શહેરોમાં અને ખાસ કરીને રહેણાંક વિસ્તારોની સાંકડી ગલીઓમાં વાહનચાલકોની વધતી જતી ઝડપ અને અસમજ રોજ કેટલાય નિર્દોષોના જીવ લેતી રહેશે? બાળકો માટે સુરક્ષિત ગણાતી શેરીઓ હવે કાળમુખા વાહનોને કારણે મોતનો રસ્તો બની રહી છે, જે અંગે ગંભીરતાથી વિચારવાનો સમય પાકી ગયો છે.

આ પણ વાંચો : Railway Police Rescues Passenger : સુરેન્દ્રનગર રેલવે સ્ટેશન પર જવાન બન્યો દેવદૂત, મુસાફરનો જીવ બચાવ્યો