Narmada News: MLA ડો. દર્શનાબેન દેશમુખના સમર્થનમાં આવ્યા સાંસદ મનસુખ વસાવા, જાણો શું છે સમગ્ર મામલો?

પ્રોટોકોલના ભંગ સામે ધારાસભ્યના ધરણા

કાર્યક્રમમાં રાજ્યના પ્રભારી મંત્રી ઈશ્વરસિંહ પટેલ અને પૂર્વ વનમંત્રી ગણપત વસાવાની હાજરી હોવા છતાં સ્થાનિક સ્તરે ધારાસભ્યને યોગ્ય મહત્વ ન મળતા તેમણે કાર્યક્રમમાંથી વોકઆઉટ (Walkout) કર્યું હતું. આ ઘટનાના વિરોધમાં ડો. દર્શનાબેન દેશમુખે ગાંધી ચોક, વડિયા ખાતે ધરણા (Protest) શરૂ કર્યા છે. તેમણે પક્ષના સંગઠન અને ધારાસભ્ય પદ પરથી રાજીનામું (Resignation) આપવાની પણ ચીમકી ઉચ્ચારી છે.

Nandod MLA Darshanaben Deshmukh Protocol Controversy : સુશાસનના કાર્યક્રમમાંથી નાંદોદના ધારાસભ્યનું વોકઆઉટ
ડો.દર્શનાબેન દેશમુખે પ્રોટોકોલ મુદ્દે વ્યક્ત કરી નારાજગી
સ્વાગત ન કરાતા ધારાસભ્ય થયા નારાજ
ગાંધી ચોક ખાતે ધારાસભ્ય ધરણા પર બેઠા
સંગઠન અને ધારાસભ્ય પદેથી રાજીનામાની ચીમકી… pic.twitter.com/p3oia3TbF1

— Gujarat First (@GujaratFirst) June 15, 2026

સાંસદ મનસુખભાઈ વસાવાએ આપ્યું સમર્થન

આ સમગ્ર વિવાદમાં સાંસદ મનસુખભાઈ વસાવા (MP Mansukh Vasava) ધારાસભ્યના સમર્થનમાં ખુલીને સામે આવ્યા છે. તેમણે આ ઘટનાને માત્ર એક ધારાસભ્યનું નહીં, પરંતુ સમગ્ર આદિવાસી સમાજનું અપમાન ગણાવ્યું છે. સાંસદે આકરા શબ્દોમાં જણાવ્યું હતું કે, જિલ્લા ભાજપ પ્રમુખ નીલ રાવ દ્વારા છેલ્લા બે વર્ષથી ધારાસભ્યનું સતત અપમાન કરવામાં આવી રહ્યું છે. તેમણે માગ કરી છે કે આવા પક્ષપાતી વલણ ધરાવતા જિલ્લા પ્રમુખ પાસે તાત્કાલિક રાજીનામું લઈ લેવું જોઈએ.

આ ઘટનાએ સ્થાનિક ભાજપ (BJP) સંગઠનમાં રહેલી આંતરિક જૂથબંધી અને પક્ષના પદાધિકારીઓ વચ્ચેના મતભેદોને ફરી એકવાર સપાટી પર લાવી દીધા છે.

આ પણ વાંચોઃ ચૂંટણી પહેલા MP Mansukh Vasava નો વિસ્ફોટ: 'ભાજપ જ ભાજપને હરાવશે!'