Naswadi માં કાળમુખો Triple Accident, એસટી બસ અને ટ્રક વચ્ચે બાઈક કચડાઈ, ભાજપ અગ્રણીના ભાઈનું મોત
- છોટાઉદેપુરના Naswadi તાલુકાના ડણી ગામ પાસે Triple Accident
- એસટી બસ, ટ્રક અને બાઈક વચ્ચેની જોરદાર ટક્કર થઈ
- ગમખ્વાર અકસ્માતમાં બાઈક સવારનું ઘટનાસ્થળે જ કરુણ મોત
- બાઈક ચાલક ભરત નરસિંહ ભીલનું પ્રાણપંખેરું ઊડી ગયું
Naswadi Triple Accident Death: છોટાઉદેપુર જિલ્લાના નસવાડી વિસ્તારમાં એક હૃદયદ્રાવક માર્ગ અકસ્માતની (Road Accident) ઘટના સામે આવી છે. નસવાડીના ડણી ગામ પાસે સરકારી એસટી બસ (ST Bus), ટ્રક અને બાઈક વચ્ચે જોરદાર ટક્કર થઈ હતી. આ ત્રિપલ અકસ્માતમાં બાઈક સવારનું ગંભીર ઈજાઓ થવાના કારણે ઘટનાસ્થળે જ કરુણ મોત નીપજ્યું છે. ઘટનાની જાણ થતા જ આસપાસના લોકોના ટોળા ઉમટી પડ્યા હતા. આ બનાવના કારણે વાહન વ્યવહાર પર પણ અસર પડી હતી.
ભાજપ ઉપપ્રમુખના મોટાભાઈનું અકસ્માતમાં મોત
આ અકસ્માતમાં મૃત્યુ પામનાર વ્યક્તિની ઓળખ ભરત નરસિંહ ભીલ તરીકે થઈ છે. તેઓ નસવાડી તાલુકા ભાજપ ઉપપ્રમુખ (BJP Vice President) દિલીપ ભીલના સગા મોટાભાઈ હતા. અચાનક થયેલા આ અકસ્માતથી ભીલ પરિવાર પર આભ તૂટી પડ્યું છે. રાજકીય અગ્રણીના ભાઈનું અકસ્માતમાં મોત થવાના સમાચાર વાયુવેગે પ્રસરતા શોકનું મોજું ફરી વળ્યું છે. અનેક લોકોએ સોશિયલ મીડિયાના માધ્યમથી શ્રદ્ધાંજલિ અર્પણ કરી છે.
આ પણ વાંચો----- Surat માં માટીના Trucks ચાલકો સામે Police નું Action, મંત્રી પ્રફુલભાઈ પાનસેરીયાની સૂચનાથી તપાસનો ધમધમાટ
નસવાડી પોલીસે તપાસનો ધમધમાટ શરૂ કર્યો
અકસ્માતની જાણ થતા જ નસવાડી પોલીસની (Naswadi Police) ટીમ ઘટનાસ્થળે પહોંચી ગઈ હતી. પોલીસે મૃતકના શબને પોસ્ટમોર્ટમ અર્થે હોસ્પિટલ (Hospital) ખસેડવાની તજવીજ હાથ ધરી છે. આ મામલે પોલીસે અકસ્માત મોતનો ગુનો નોંધીને કાયદેસરની કાર્યવાહી તેજ કરી છે. એસટી બસ અને ટ્રક ચાલકની કોઈ બેદરકારી છે કે કેમ તે દિશામાં પણ તપાસ ચાલી રહી છે. અકસ્માતના કારણે બાઈકનો કચ્ચરઘાણ (Crushed) નીકળી ગયો હોવાના દ્રશ્યો જોવા મળ્યા હતા.
આ પણ વાંચો----- Tharad Sessions Court નો મોટો ચુકાદો, યુવતીની Murder કરનાર અશ્વિન પરમારને અંતિમ શ્વાસ સુધી આજીવન કેદ