Navsari Chikhli Crime: જંગલમાં લાકડા લેવાના બહાને નરાધમ પિતા આચરતો દુષ્કર્મ, બે સગીર દીકરીઓ બની ગર્ભવતી

નવસારી (Navsari) ના ચીખલીમાં સાવકા પિતાની હૈવાનિયત

ઘટનાની વિગત મુજબ, 12 વર્ષની નાની દીકરીને અચાનક પેટમાં અસહ્ય દુખાવો થતા તેને હોસ્પિટલ લઈ જવામાં આવી હતી. ત્યાં ડોક્ટરોએ સોનોગ્રાફી કરતા રિપોર્ટમાં જાણવા મળ્યું કે બાળકી 5 મહિનાની સગર્ભા છે. નાની બહેનની આ હાલત જોઈને 13 વર્ષની મોટી બહેન પણ રડી પડી હતી અને તેણે પોતાની માતા સામે પિતાની કરતૂતનો પર્દાફાશ કર્યો હતો. તપાસમાં બહાર આવ્યું કે મોટી દીકરી પણ 2 મહિનાની સગર્ભા છે.

જંગલમાં લાકડા લેવાના બહાને આચરતો દુષ્કર્મ

આરોપી સાવકો પિતા અનિલ રાઠોડ રાત્રિના સમયે અથવા તો જંગલમાં લાકડા લેવા જવાના બહાને બંને દીકરીઓને પોતાની સાથે લઈ જતો અને ત્યાં તેમની પર બળજબરીપૂર્વક દુષ્કર્મ આચરતો હતો. લાંબા સમયથી ચાલી રહેલા આ અત્યાચારને કારણે બંને સગીરાઓ ગર્ભવતી બની ગઈ હતી.

પોલીસે ગણતરીના કલાકોમાં કરી ધરપકડ

ભોગ બનનાર બાળકીઓની માતાએ હિંમત દાખવીને ચીખલી પોલીસ સ્ટેશનમાં ફરિયાદ નોંધાવી હતી. જેના આધારે પીઆઈ ડી.એસ. કોરાટની આગેવાનીમાં પોલીસે તાત્કાલિક કાર્યવાહી કરીને ગણતરીના કલાકોમાં જ નરાધમ પિતા અનિલ રાઠોડની ધરપકડ કરી લીધી છે. આરોપી વિરુદ્ધ બળાત્કાર અને પોક્સો (POCSO) એક્ટની વિવિધ કલમો હેઠળ ગુનો દાખલ કરી કાયદેસરની તપાસ હાથ ધરવામાં આવી છે.

આ પણ વાંચો :  Gujarat CAG Report 2026: ગુજરાત વિધાનસભામાં કેગ રિપોર્ટ રજૂ, રાજ્યનું જાહેર દેવું 3.80 લાખ કરોડ પર પહોંચ્યું