DyCM હર્ષભાઈ સંઘવીની હાજરીમાં Chetansinh Parmar ભાજપમાં જોડાયા, કોંગ્રેસને મોટો ઝટકો
- જિલ્લા પ્રમુખ Chetansinh Parmar એ કોંગ્રેસનો છેડો ફાડ્યો
- ઘોઘંબામાં વિકાસ સંકલ્પ સભામાં ભાજપમાં જોડાયા
- પંચમહાલમાં સ્થાનિક ચૂંટણી ટાણે જ કોંગ્રેસને મોટો ઝટકો
Chetansinh Parmar Join BJP: પંચમહાલ જિલ્લામાં સ્થાનિક સ્વરાજ્યની ચૂંટણીઓ (Local Body Elections) નજીક આવી રહી છે, ત્યારે જ કોંગ્રેસ પક્ષમાં મોટું ગાબડું પડ્યું છે. પંચમહાલ જિલ્લા કોંગ્રેસના કદાવર નેતા અને છેલ્લા 7 વર્ષથી જિલ્લા પ્રમુખ તરીકેની જવાબદારી સંભાળતા ચેતનસિંહ પરમારે (Chetansinh Parmar) કોંગ્રેસ સાથેનો છેડો ફાડી નાખ્યો છે. તેમના આ નિર્ણયથી જિલ્લાના રાજકારણમાં ગરમાવો આવી ગયો છે.
વિકાસ સંકલ્પ સભામાં કેસરિયો ધારણ કર્યો
ઘોઘંબા ખાતે આયોજિત 'વિકાસ સંકલ્પ સભા' (Vikas Sankalp Sabha) દરમિયાન ચેતનસિંહ પરમારે વિધિવત રીતે ભારતીય જનતા પાર્ટીમાં પ્રવેશ કર્યો હતો. રાજ્યના નાયબ મુખ્યમંત્રી હર્ષભાઈ સંઘવી (DyCM Harshabhai Sanghvi) ની વિશેષ ઉપસ્થિતિમાં આ કાર્યક્રમ યોજાયો હતો. DyCM એ તેમને કેસરિયો ખેસ પહેરાવી ભાજપમાં આવકાર્યા હતા. આ પ્રસંગે ભાજપના અન્ય સ્થાનિક હોદ્દેદારો અને મોટી સંખ્યામાં કાર્યકરો (Party Workers) ઉપસ્થિત રહ્યા હતા.
Panchmahal Politics : ચૂંટણી ટાણે જ પંચમહાલ જિલ્લા કોંગ્રેસને ઝટકો
જિલ્લા પ્રમુખ રાજીનામું આપી ભાજપમાં જોડાયા
DyCM હર્ષભાઈ સંઘવીની હાજરીમાં ભાજપમાં સામેલ
ઘોઘંબામાં ભાજપની વિકાસ સંકલ્પ સભામાં કેસરિયો
50 વર્ષથી પરિવાર કોંગ્રેસ સાથે જોડાયેલો હતો#Panchmahal #Congress #BJP… pic.twitter.com/0RjFXRMTaS— Gujarat First (@GujaratFirst) April 16, 2026
લાંબો રાજકીય અનુભવ અને કોંગ્રેસ સાથેની સફર
ચેતનસિંહ પરમાર પંચમહાલ જિલ્લામાં કોંગ્રેસનો મજબૂત ચહેરો ગણાતા હતા. તેઓ છેલ્લા 7 વર્ષથી જિલ્લા પ્રમુખ તરીકે કાર્યરત હતા, જ્યારે તે પૂર્વે 10 વર્ષથી વધુ સમય સુધી તેમણે તાલુકા કોંગ્રેસ પ્રમુખ (Taluka Congress President) તરીકે સેવા આપી હતી. આમ, લગભગ બે દાયકાથી કોંગ્રેસ સાથે જોડાયેલા નેતાએ પક્ષને અલવિદા કહેતા સ્થાનિક સ્તરે કોંગ્રેસનું સંગઠન નબળું પડે તેવી શક્યતા છે.
ચૂંટણી ગણિત પર અસર
સ્થાનિક ચૂંટણીના ટાણે જ જિલ્લા પ્રમુખનું રાજીનામું (Resignation) કોંગ્રેસ માટે કપરા ચઢાણ સમાન છે. પંચમહાલના અંતરિયાળ વિસ્તારોમાં પરમારનું સારું પ્રભુત્વ હોવાનું મનાય છે. ભાજપ આ જોડાણ દ્વારા જિલ્લામાં પોતાની પકડ વધુ મજબૂત કરવા માંગે છે. આગામી દિવસોમાં તેમના સમર્થકો પણ ભાજપમાં જોડાય તેવી પ્રબળ સંભાવના છે.
આ પણ વાંચોઃ Gujarat: 15 મહાનગરપાલિકાઓમાં 3146 ઉમેદવારો વચ્ચે સીધો ચૂંટણી જંગ, જાણો કેટલા ફોર્મ પરત ખેંચાયા?