કાલોલ હત્યાકાંડ: ક્રાઇમ થ્રીલર ફિલ્મને હંફાવે એવો પત્ની અને પ્રેમીએ રચ્યો મર્ડરનો ખોફનાક પ્લાન, આ રીતે ઉકેલ્યો પોલીસે ભેદ

કાલોલ પોલીસનો મોટો ખુલાસો

મળતી વિગતો મુજબ, કાલોલ પોલીસ મથકે (Kalol Police Station) થોડા દિવસો પહેલા એક વ્યક્તિ ગુમ (Missing) થયો હોવાની ફરિયાદ નોંધાઈ હતી. પોલીસ આ ગુમશુદા કેસની તપાસ કરી રહી હતી, તે દરમિયાન પોલીસને ચોક્કસ શંકાસ્પદ કડીઓ મળી આવી હતી. પોલીસ દ્વારા શંકાના આધારે મૃતકના કૌટુંબિક ભાઈ (જે પત્નીનો પ્રેમી છે) અને પત્નીની અટકાયત કરીને કડક પૂછપરછ હાથ ધરવામાં આવી હતી. કાલોલ પોલીસની આકરી પૂછપરછ અને આગવી સ્તનની તપાસ સામે આરોપીઓ વધુ સમય ટકી શક્યા નહોતા અને તેમણે પોતાના ગુનાની કબૂલાત કરી લીધી હતી.

પત્નીએ પ્રેમી સાથે મળી રચ્યો કારસો

તપાસમાં સામે આવ્યું કે, પત્નીને પોતાના જ કૌટુંબિક દિયર સાથે ગેરકાયદેસર પ્રેમ સંબંધો હતા, જેમાં પતિ આડો આવતો હતો. આથી પત્ની અને તેના પ્રેમીએ પતિને રસ્તામાંથી હટાવવા માટે એક ભયાનક પ્લાન બનાવ્યો હતો. તેઓ પતિને એક અવાવરૂ જગ્યાએ લઈ ગયા હતા, જ્યાં માથાના ભાગે જીવલેણ હુમલો કરી તેને મોતને ઘાટ ઉતારી દીધો હતો. ગુનો છુપાવવાના આશયથી, બંને આરોપીઓએ મૃતકના હાથ અને પગ કાપી નાખ્યા હતા અને લાશને નજીકના એક ચેકડેમ (Check dam) પાસે દાટી દીધી હતી. હાલ કાલોલ પોલીસે બંને વિરુદ્ધ હત્યા અને પુરાવાનો નાશ કરવાની કલમો હેઠળ ગુનો નોંધી વધુ તપાસ હાથ ધરી છે.

આ પણ વાંચો: Himatnagar Sessions Court Verdict: ઈલોલ મર્ડર કેસમાં બે નરાધમોને ફાંસીની સજા, એકને 7 વર્ષની જેલની સજા