Sabarkantha News: પોલીસ બેડામાં મોટા ફેરફાર, SP એ 12 પોલીસ અધિકારીઓની બદલીઓના આદેશ આપ્યા

12 અધિકારીઓની આંતરિક હેરફેર

મળતી માહિતી મુજબ, આ બદલીઓમાં કુલ 12 પોલીસ અધિકારીઓનો સમાવેશ કરવામાં આવ્યો છે, જેમાં 2 પોલીસ ઇન્સ્પેક્ટર (PI) અને 10 પોલીસ સબ ઇન્સ્પેક્ટર (PSI) ની બદલીના આદેશો કરવામાં આવ્યા છે. આ નિર્ણય જિલ્લામાં કાયદો અને વ્યવસ્થાની સ્થિતિને વધુ સુદ્રઢ બનાવવાના પ્રયાસના ભાગરૂપે લેવામાં આવ્યો હોવાનું મનાઈ રહ્યું છે.

સ્થાનિક સ્તરે મહત્વના ફેરફારો

બદલીઓની પ્રક્રિયામાં ખાસ કરીને વહીવટી જરૂરિયાતોને ધ્યાનમાં રાખીને નિર્ણય લેવાયા છે. જેમાં ચિઠોડા પોલીસ સ્ટેશનનો ચાર્જ હવે PI ને બદલે PSI ને સોંપવામાં આવ્યો છે અને તેમને ઇન્ચાર્જ તરીકે નિયુક્ત કરાયા છે. આ ઉપરાંત, વડાલી, ઇડર, હિંમતનગર અને ગાંભોઈ પોલીસ સ્ટેશનમાં ફરજ બજાવતા ટ્રાફિક PSI ની પણ બદલી કરી દેવામાં આવી છે. સાથે જ લીવ રિઝર્વમાં રહેલા PI ને સાયબર સેલ અને હિંમતનગર ખાતે એટેચ તરીકે ફરજ સોંપવામાં આવી છે.

આગામી સમયમાં કોન્સ્ટેબલોની બદલીઓની શક્યતા

અધિકારીઓના આ ફેરફારો બાદ હવે પોલીસ તંત્રમાં નીચેના સ્તરે પણ બદલીઓની તૈયારીઓ ચાલી રહી છે. સૂત્રોના જણાવ્યા અનુસાર, આગામી દિવસોમાં જિલ્લાના કોન્સ્ટેબલોની પણ મોટા પાયે બદલીઓ થવાની પ્રબળ શક્યતાઓ સેવાઈ રહી છે, જેના કારણે જિલ્લા પોલીસ વિભાગમાં હજુ પણ ફેરફારોનો દોર ચાલુ રહેશે તેવી સંભાવના વ્યક્ત કરવામાં આવી રહી છે.

આ પણ વાંચોઃ Amreli News: ગર્ભવતી સિંહણના મોત મામલે કડક કાર્યવાહી, ફોરેસ્ટરની બદલી કરાઈ