Kheda Rain News: ગ્રામ્ય વિસ્તારોમાં વરસાદથી ખેડૂતો ચિંતિત, વાતાવરણમાં પ્રસરી ઠંડક

વાતાવરણમાં એકાએક ઠંડક પ્રસરી

મહેમદાવાદ તાલુકાના ગ્રામીણ વિસ્તારો જેવા કે સિહુંજ, નવાગામ, નવચેતન અને રુદન સહિતના અનેક ગામોમાં માવઠું થવાના અહેવાલો મળી રહ્યા છે. ધોધમાર તો ક્યાંક હળવા વરસાદી ઝાપટાંને કારણે રસ્તાઓ ભીના થઈ ગયા હતા. વાતાવરણમાં એકાએક ઠંડક પ્રસરી ગઈ છે. ગરમીથી અકળાયેલા લોકોને આંશિક રાહત મળી છે, પરંતુ જગતના તાત માટે આ આકાશી આફત સાબિત થઈ શકે છે.

ખેડૂતોને નુકસાનની ભીતી

કમોસમી વરસાદના કારણે સૌથી મોટી માઠી અસર કૃષિ ક્ષેત્ર પર પડવાની ભીતિ સેવાઈ રહી છે. ખેતરોમાં બાજરીના ઉભા પાક અથવા લણણી કરી રાખેલા કૃષિ ઉત્પાદનોને નુકસાન થવાની ભીતિથી ખેડૂતો ભારે મુશ્કેલીમાં મુકાયા છે. હવામાન વિભાગના જણાવ્યા અનુસાર, આગામી કલાકોમાં પણ જિલ્લાના કેટલાક ભાગોમાં હળવાથી મધ્યમ વરસાદી ઝાપટાં પડવાની પ્રબળ શક્યતા છે, જેને પગલે વહીવટી તંત્ર અને ખેડૂતોને સાવચેત રહેવા સૂચના આપવામાં આવી છે.

આ પણ વાંચોઃ Kheda Rain News: નડિયાદમાં વરસાદે ધબધબાટી બોલાવી, અનેક વિસ્તારોમાં પાણી ભરાયા

આ પણ વાંચોઃ Kheda News: ડાકોરના ગોમતી તળાવ પાસે દુર્ઘટના, મઢૂલીનો ભાગ તૂટી પડ્યો