Valsad Customs Raid: 8 બુટલેગરો અને 555 બોક્સ દારૂ! વલસાડના દરિયાકાંઠે કસ્ટમે કેવી રીતે પાર પાડ્યું ઓપરેશન?
- Valsad ના દરિયા કિનારે કસ્ટમ વિભાગના દરોડા
- ગેરકાયદેસર દારૂના 555 બોક્સ ઝડપી પાડ્યા
- 8 બુટલેગરો સહિત બોટ કરાઈ જપ્ત
- કુલ 50 લાખથી વધુનો મુદ્દામાલ ઝડપાયો
- દારૂની હેરાફેરી મુદ્દે કસ્ટમની કડક કાર્યવાહી
Valsad Customs Raid: વલસાડ (Valsad) ના દરિયાઈ માર્ગનો ઉપયોગ કરીને ગેરકાયદેસર દારૂની હેરાફેરી (Illegal Liquor Smuggling) થઈ રહી હોવાની ચોક્કસ બાતમીના આધારે કસ્ટમ વિભાગે (Customs Department) દરિયા કિનારે સર્ચ ઓપરેશન હાથ ધર્યું હતું. આ કાર્યવાહી દરમિયાન કસ્ટમની ટીમે એક બોટને આંતરીને તેની તલાશી લેતા તેમાંથી વિદેશી દારૂના કુલ 555 બોક્સ (Liquor Boxes) મળી આવ્યા હતા.
Valsad ના દરિયા કિનારે કસ્ટમ વિભાગના દરોડા
કસ્ટમ વિભાગે આ દરોડા દરમિયાન દારૂના જથ્થા સાથે હેરાફેરીમાં સંડોવાયેલા 8 બુટલેગરોની (Bootleggers) ધરપકડ કરી છે. આ સાથે જ દારૂની હેરફેર માટે ઉપયોગમાં લેવાતી બોટને (Boat) પણ કસ્ટમ દ્વારા જપ્ત કરવામાં આવી છે. કસ્ટમ વિભાગના જણાવ્યા અનુસાર, પકડાયેલા દારૂ અને બોટ સહિત કુલ મુદ્દામાલની કિંમત 50 લાખ (50 Lakhs) થી વધુ અંકાય રહી છે.
કસ્ટમ વિભાગની કાર્યવાહીથી બુટલેગરોમાં ફફડાટ
દરિયાઈ માર્ગે થતી આ ગેરકાયદેસર પ્રવૃત્તિ પર કસ્ટમ વિભાગની આ લાલ આંખને પગલે બુટલેગરોમાં ફફડાટ વ્યાપી ગયો છે. હાલ કસ્ટમ વિભાગ દ્વારા આ દારૂનો જથ્થો ક્યાંથી લાવવામાં આવ્યો હતો અને કોને પહોંચાડવાનો હતો તે દિશામાં સઘન તપાસ (Investigation) શરૂ કરવામાં આવી છે.