Valsad Unseasonal Rain: ઉમરગામમાં એકાએક વરસાદ તૂટી પડતાં ખેડૂતો ચિંતિત

 કેરીને નુકસાન થવાની ભીતિ

જો કે આ કમોસમી વરસાદે (Unseasonal Rain) જગતના તાત ગણાતા ખેડૂતોની ચિંતામાં મોટો વધારો કરી દીધો છે. વલસાડ જિલ્લો ખાસ કરીને તેની ગુણવત્તાયુક્ત હાફુસ કેરીના ઉત્પાદન માટે જાણીતો છે. હાલના તબક્કે જ્યારે કેરીનો પાક તૈયાર થઈ રહ્યો છે, ત્યારે અચાનક આવેલા આ વાદળછાયા વાતાવરણ અને વરસાદી ઝાપટાંને કારણે કેરીના પાકને મોટું નુકસાન (Crop Damage) થવાની ભીતિ સેવાઈ રહી છે.

Valsad District માં વાતાવરણમાં પલટો, વહેલી સવારે Umargam માં હળવો વરસાદ | Gujarat First

વલસાડ જિલ્લામાં વાતાવરણમાં પલટો
જિલ્લામાં વાદળછાયું વાતાવરણ જોવા મળ્યું
ઉમરગામમાં વહેલી સવારે હળવો વરસાદ પડ્યો
ગરમી વચ્ચે વરસાદથી ઠંડક પ્રસરી ગઈ
વાતાવરણ ખુશનુમા બનતાં લોકોને રાહત મળી
વરસાદથી… pic.twitter.com/W4E8MHbz5e

— Gujarat First (@GujaratFirst) May 23, 2026

કેરીમાં જીવાત પડવાનો ડર

આ એકાએક વાતાવરણના પલટાથી કેરી ફળ ખરી પડવાની તેમજ તેમાં જીવાત ફેલાવાની શક્યતા વધી જાય છે. ઉનાળાની સિઝનમાં અચાનક પ્રકૃતિના બદલાયેલા આ મિજાજને કારણે લાખો રૂપિયાનો ખર્ચ કરીને બેઠેલા ખેડૂતોમાં ભારે ચિંતાનો માહોલ જોવા મળી રહ્યો છે.

હજુપણ સૌરાષ્ટ્ર અને દક્ષિણ ગુજરાતમાં વરસાદની આગાહી

હવામાન વિભાગ દ્વારા સૌરાષ્ટ્ર અને દક્ષિણ ગુજરાતના વિવિધ વિસ્તારોમાં વરસાદની મહત્વની આગાહી કરવામાં આવી છે, જે અંતર્ગત આગામી દિવસોમાં રાજકોટ, અમરેલી, દીવ, ગીર સોમનાથ, ભાવનગર તેમજ દક્ષિણ ગુજરાતના નર્મદા, તાપી, નવસારી, ડાંગ, વલસાડ અને દમણમાં વરસાદી માહોલ જોવા મળી શકે છે. બીજી તરફ, રાજ્યમાં આગામી 7 દિવસ સુધી ગરમીનો પારો યથાવત રહેવાની શક્યતા છે, જેમાં છેલ્લા 24 કલાક દરમિયાન અમદાવાદ શહેરમાં મહત્તમ તાપમાન 43.3 ડિગ્રી નોંધાયું હતું અને આજે પણ પારો 43 ડિગ્રીની આસપાસ રહેવાનું અનુમાન છે. જોકે, આગામી 27 તારીખ બાદ ગરમીના પ્રકોપમાંથી થોડી રાહત મળશે અને તાપમાનમાં 2 થી 3 ડિગ્રીનો ઘટાડો નોંધાશે.

આ પણ વાંચોઃ Bhavnagar માં ગરમીનો કહેર: ઝાડા-ઊલટીના 2500 કેસ નોંધાતાં આરોગ્ય તંત્ર દોડતું થયું