Panchmahal: કાલોલમાં દાહોદ ACBની સફળ ટ્રેપ,જુગાર કેસ પતાવવા 20 હજારની લાંચ માગી હતી

જુગારના કેસની પતાવટ કરવા માટે લાંચ માગી હતી

પ્રાપ્ત વિગતો અનુસાર, એક ઓનલાઈન જુગારના કેસની પતાવટ કરવા માટે પોલીસકર્મીઓ દ્વારા 20 હજાર રૂપિયાની લાંચની માંગણી કરવામાં આવી હતી. લાંચની રકમ અંગે અંદરોઅંદર રકઝક થયા બાદ આ રકમ ઘટાડીને 15 હજાર રૂપિયા નક્કી કરવામાં આવી હતી. આ મામલે કંટાળેલા ફરિયાદીએ તાત્કાલિક એસીબીના ટોલ ફ્રી નંબર 1064 (ACB Toll Free 1064) પર સંપર્ક કરીને સત્તાવાર ફરિયાદ નોંધાવી હતી.

Panchmahal: કાલોલ પોલીસ સ્ટેશનના બે પોલીસકર્મીઓની સંડોવણી

ફરિયાદના આધારે દાહોદ એસીબીના અધિકારીઓએ કાલોલ તાલુકાના નારણપુરા ખાતે આવેલી નર્મદા કેનાલ ચોકડી પર છટકું ગોઠવ્યું હતું. આ દરમિયાન રૂ. 15 હજારની લાંચની રકમ સ્વીકારતા ધર્મેન્દ્રસિંહ ઉર્ફે નોનભાઈ રાઠોડ (Dharmendrasinh alias Nonbhai Rathod) ને એસીબીએ ઝડપી લીધો હતો અને લાંચની રકમ પણ રિકવર કરી લીધી હતી. આ સમગ્ર પ્રકરણમાં કાલોલ પોલીસ સ્ટેશનના બે પોલીસકર્મીઓ આશિષભાઈ કટારા (Ashishbhai Katara) અને જશપાલસિંહ પરમાર (Jaspalsinh Parmar) ની સંડોવણી સામે આવતા તેમની સામે પણ ગુનો નોંધીને કાયદેસરની કાર્યવાહી હાથ ધરવામાં આવી છે. ત્રણેય આરોપીઓએ મેળાપીપણામાં રહીને આ લાંચનું કૌભાંડ આચર્યું હોવાનું એસીબીની તપાસમાં ખુલ્યું છે.

આ પણ વાંચો: Ahmedabad: એરપોર્ટ પરથી 66 લાખનું સોનું ઝડપાયું, મુસાફર મળાશયમાં છુપાવીને લાવ્યાનો ખુલાસો