Pavagadh: પાવાગઢ જતા યાત્રિકો ખાસ વાંચો! પથ્થરો પડવાની ઘટના બાદ સુરક્ષા માટે શું છે પ્લાન?

શ્રદ્ધાળુઓએ ભારે સાવચેતી રાખવી અનિવાર્ય

નિરીક્ષણ દરમિયાન સમિતિને માચીથી પર્વત પર પગપાળા ચઢવાના માર્ગે કેટલાક એવા જોખમી પેચ (Vulnerable Patches) મળ્યા છે, જ્યાં ચાલતા જતા શ્રદ્ધાળુઓએ ભારે સાવચેતી રાખવી અનિવાર્ય છે. આ સાથે જ સમિતિએ ભલામણ કરી છે કે રાત્રિ દરમિયાન જ્યારે મંદિર બંધ હોય, ત્યારે શ્રદ્ધાળુઓનો પ્રવેશ સંપૂર્ણપણે બંધ કરવો જોઈએ અને નીચેથી જ યાત્રિકોને ઉપર જતા અટકાવવા જોઈએ.

ધોધમાર વરસાદમાં ચઢવા પર પ્રતિબંધ અને જીઓલોજિકલ સર્વે કરાવવા સૂચન

ચોમાસાની ઋતુને ધ્યાનમાં રાખીને સમિતિ દ્વારા ખૂબ જ મહત્વનું સૂચન કરવામાં આવ્યું છે કે, જ્યારે ભારે વરસાદ (Heavy Rain) ચાલુ હોય તેવા સમયે પાવાગઢ પર્વત પર ચાલતા ચડવા પર સંપૂર્ણ પ્રતિબંધ (Ban) મૂકવામાં આવે. આ ઉપરાંત પહાડની સ્થિતિ ચકાસવા માટે ટેકનિકલ એજન્સીઓ દ્વારા જીઓલોજિકલ અને સિસ્મોલોજીકલ સર્વે કરાવવાની પણ ભલામણ કરાઈ છે, જેથી ભવિષ્યના જોખમો જાણી જરૂરી કાયમી પગલાં લઈ શકાય. યાત્રિકોની સુરક્ષાને સર્વોપરી ગણીને પદયાત્રાના રસ્તા પર યોગ્ય લાઇટિંગ (Lighting) કરવાની તેમજ વરસાદી માહોલમાં રેવાપથથી (Rewa Path) પ્રવેશ સદંતર બંધ રાખવાની સલાહ અપાઈ છે.

અહેવાલ ઉચ્ચ કક્ષાએ મોકલાશે

સમિતિ દ્વારા તૈયાર કરાયેલો આ મહત્વનો રિપોર્ટ હવે મંજૂરી અને કડક અમલવારી માટે ઉચ્ચ કક્ષાએ મોકલવામાં આવશે. તંત્ર દ્વારા સ્પષ્ટ કરવામાં આવ્યું છે કે વરસાદની પરિસ્થિતિ અથવા આવી કોઈ આપત્તિની આગાહી હશે ત્યારે સંભવિત હોનારત ટાળવા માટે તમામ સંભવિત પ્રયાસો કરવામાં આવશે. આ સુરક્ષા વ્યવસ્થાને સુદ્રઢ બનાવવા માટે સ્થાનિક પોલીસ અને ફોરેસ્ટ વિભાગ સાથે સંકલન સાધીને જરૂરી પગલાં લેવામાં આવશે. હાલ પૂરતું, વહીવટી તંત્રએ તમામ ભક્તોને વરસાદી વાતાવરણમાં રેવાપથથી ચાલતા પાવાગઢ ડુંગર ન ચઢવા માટે ખાસ અપીલ કરી છે.

આ પણ વાંચોઃ Tapi News: પહેલા વરસાદમાં જ નવા બ્રિજમાં પડ્યા મોટા ભૂવા, ભ્રષ્ટાચારના આક્ષેપથી ચકચાર

આ પણ વાંચોઃ Kheda: ખેડા જિલ્લામાં મેઘરાજાની ધમાકેદાર બેટિંગ, નડિયાદ, કપડવંજ અને ગળતેશ્વરમાં ધોધમાર વરસાદ