Patan: રાજકીય સમીકરણો બદલાશે? કોંગ્રેસ નેતાએ રાજકારણ ભૂલી કર્યું એવું કે સો. મીડિયા પર ભારે ચર્ચા જામી
- Patan: કોંગ્રેસ MLA કિરીટ પટેલે નાયબ મુખ્યમંત્રીના કર્યા વખાણ
- પાટણ બસ સ્ટેન્ડ લોકાર્પણ અવસરે DyCMના કર્યા વખાણ
- કિરીટ પટેલે હર્ષભાઇ સંઘવી સાથેના ફોટો પોસ્ટ કર્યા
Patan: પાટણની જનતા માટે આજનો દિવસ ઐતિહાસિક સાબિત થયો છે. શહેરના નવનિર્મિત અત્યાધુનિક આઈકોનિક બસ પોર્ટનું લોકાર્પણ રાજ્યના ગૃહ નાયબ મુખ્યમંત્રી (DyCM Harshbhai Sanghavi) ના હસ્તે કરવામાં આવ્યું હતું. આ પ્રસંગે સૌથી વધુ આકર્ષણનું કેન્દ્ર રાજકીય ભાઈચારો રહ્યો. પાટણના (Patan) કોંગ્રેસના ધારાસભ્ય કિરીટભાઈ પટેલે (MLA Kiritbhai Patel) પક્ષીય રાજકારણ ભૂલીને નાયબ મુખ્યમંત્રી હર્ષભાઈ સંઘવીની કાર્યશૈલી અને વિકાસલક્ષી અભિગમના મુક્ત કંઠે વખાણ કર્યા હતા.
Patan: જનતાને સમર્પિત નવું બસ સ્ટેશન
લોકાર્પણ સમારોહમાં સંબોધન કરતા ધારાસભ્ય કિરીટભાઈ પટેલે જણાવ્યું હતું કે, 'નવું આધુનિક બસ સ્ટેશન તૈયાર થઈ હવે જનતાને સમર્પિત થયું છે.' આ સુવિધાથી મુસાફરોને હવે ડેપોમાં જ એરપોર્ટ જેવી સગવડતાઓ મળશે. હર્ષભાઈ સંઘવીની ઉપસ્થિતિમાં આ કાર્ય સંપન્ન થતા તેમણે આનંદ વ્યક્ત કર્યો હતો. આ નવા બસ સ્ટેશનમાં સીસીટીવી કેમેરા, આરામદાયક વેઈટિંગ રૂમ અને સુરક્ષાની ચુસ્ત વ્યવસ્થા કરવામાં આવી છે, જેનાથી લોકોને વધુ સુરક્ષા અને સગવડતા મળશે તેવો વિશ્વાસ પણ તેમણે વ્યક્ત કર્યો હતો.
કોંગ્રેસ MLA કિરીટ પટેલે નાયબ મુખ્યમંત્રીના કર્યા વખાણ
પાટણ બસ સ્ટેન્ડ લોકાર્પણ અવસરે DyCMના કર્યા વખાણ
કિરીટ પટેલે હર્ષભાઇ સંઘવી સાથેના ફોટો પોસ્ટ કર્યા
પોતાના સોશિયલ મીડિયા પેજ પર ફોટો પોસ્ટ કર્યા
'નવુ આધુનિક બસ સ્ટેશન તૈયાર થઇ જનતાને સમર્પિત થયુ'
'હર્ષભાઇ સંઘવીની… pic.twitter.com/sosUzsLzoK— Gujarat First (@GujaratFirst) March 28, 2026
Patan: સોશિયલ મીડિયા પર તસવીરો વાયરલ
કાર્યક્રમ પૂર્ણ થયા બાદ કિરીટભાઈ પટેલે પોતાના સત્તાવાર સોશિયલ મીડિયા પેજ પર નાયબ મુખ્યમંત્રી સાથેની તસવીરો પોસ્ટ કરી હતી. તેમણે આ ક્ષણને ઐતિહાસિક ગણાવતા લખ્યું હતું કે, પાટણના ગૌરવ સમાન આ પ્રોજેક્ટના લોકાર્પણમાં હાજરી આપવાનો અવસર મળવો એ ગૌરવની વાત છે. વિપક્ષી નેતા દ્વારા સત્તાધારી પક્ષના મંત્રી સાથેની આ આત્મીયતા સોશિયલ મીડિયા પર ભારે ચર્ચા જગાવી રહી છે.
વિકાસની પ્રતિબદ્ધતા
કિરીટભાઈ પટેલે સ્પષ્ટ કર્યું હતું કે, 'પાટણના (Patan) સર્વાંગી વિકાસ માટે અમે સતત પ્રતિબદ્ધ છીએ.' વિકાસના કાર્યોમાં રાજકારણ આડે ન આવવું જોઈએ તેવો મજબૂત સંદેશ તેમણે આપ્યો હતો. પાટણના (Patan) નાગરિકો માટે આ બસ સ્ટેશન પરિવહન ક્ષેત્રે નવા યુગની શરૂઆત માનવામાં આવી રહી છે.
MLA ની પોસ્ટ બાદ નાયબ મુખ્યમંત્રીની પ્રતિક્રિયા
ધારાસભ્ય કિરીટભાઈ પટેલે વખાણ કર્યા બાદ નાયબ મુખ્યમંત્રી હર્ષભાઈ સંઘવીએ પ્રતિક્રિયા આપી હતી. તેમણે કહ્યું કિરીટભાઈ પટેલને ભાજપ સરકારે કરેલો પાટણનો વિકાસ ગમ્યો છે.
નાયબ મુખ્યમંત્રીએ કોંગ્રેસ ધારાસભ્ય કિરીટ પટેલના કર્યા વખાણ
કિરીટ પટેલના વખાણ કરવા અંગે હર્ષભાઈ સંઘવીની પ્રતિક્રિયા
"કિરીટ પટેલને ભાજપ સરકારે કરેલો પાટણનો વિકાસ ગમ્યો"
એક ટીમ પાટણ તરીકે તે સરકાર સાથે કાર્ય કરે છે: હર્ષભાઈ
ગઈકાલે તેઓ ટીમ પાટણ તરીકે જોડાયા હતા: હર્ષભાઈ
કિરીટભાઈએ… pic.twitter.com/yJibGmoYxZ— Gujarat First (@GujaratFirst) March 28, 2026
વધુમાં કહ્યું હતુ કે કિરીટભાઈએ પાટણ બસપોર્ટનો વિકાસ જોયો છે. કિરીટભાઈ પટેલ હંમેશા વિકાસના પ્રશ્નો ઉઠાવે છે. પાટણમાં ભાજપની ટીમ પણ સારૂ કામ કરી રહી છે. જો કે એકબીજાના વખાણ કરતાં કિરીટભાઈ પટેલ પોતાની પાર્ટી બદલશે કે કંઈ બીજું કરશે તેવી ચર્ચાઓ થઈ રહી છે.
આ પણ વાંચોઃ Gandhinagar: લોકડાઉનની અફવાઓ વચ્ચે DyCM હર્ષભાઈ સંઘવીનું નિવેદન, ખોટી અફવાઓ ફેલાવી તો..!