Patan News: પાટણમાં ચાંદીપુરા વાયરસનો પગપેસારો, 5 વર્ષીય માસૂમ બાળકનું મોત, આરોગ્ય તંત્ર દોડતું થયું

Patan  માં ચાંદીપુરા વારયરસથી 5 વર્ષીય બાળકનું મોત

મળતી માહિતી મુજબ, સરસ્વતી તાલુકાના સાણોદરડા ગામના 5 વર્ષીય બાળકને અચાનક તબિયત બગડતા હોસ્પિટલમાં દાખલ કરવામાં આવ્યો હતો. માત્ર બે દિવસની ટૂંકી સારવાર બાદ બાળકે હોસ્પિટલમાં જ દમ તોડી દીધો હતો. બાળકના સેમ્પલ લેબમાં મોકલવામાં આવ્યા હતા, જ્યાં આરોગ્ય વિભાગ દ્વારા ચાંદીપુરા વાયરસનો રિપોર્ટ પોઝિટિવ હોવાનું સત્તાવાર રીતે જાહેર કરવામાં આવ્યું છે.

બાળકના મોત બાદ આરોગ્ય તંત્ર દોડતું થયું

આ ગંભીર મામલાને ધ્યાનમાં રાખીને તુરંત જ આરોગ્ય અધિકારીઓની વિશેષ ટીમ સાણોદરડા ગામે દોડી ગઈ છે. ટીમ દ્વારા ગામમાં સર્વેલન્સ અને સઘન તપાસની કામગીરી શરૂ કરી દેવામાં આવી છે જેથી અન્ય બાળકોમાં આ વાયરસના લક્ષણો છે કે નહીં તેની ચકાસણી કરી શકાય.

અન્ય શંકાસ્પદ કેસ સામે આવ્યો

સાણોદરડા ગામની આ ઘટનાની શાહી હજી સૂકાઈ નથી ત્યાં જ પાટણ જિલ્લાના વધુ એક વિસ્તારોમાંથી ચિંતાજનક ખબર આવ્યા છે. ચાણસ્મા તાલુકાના તરારા ગામના 10 વર્ષીય બાળક ને પણ શંકાસ્પદ લક્ષણો જણાતા હાલ એક પ્રાઇવેટ હોસ્પિટલમાં સારવાર હેઠળ રાખવામાં આવ્યો છે, જેના કારણે તંત્રની ચિંતા વધુ વધી ગઈ છે.

આ પણ વાંચો:  Kheda Phagvel By Election Result: ચિખલોડ બેઠક પર કોંગ્રેસની શાનદાર જીત, સોનલબેન પરમારે ફાગવેલ ભાથીજી મહારાજ મંદિરે કર્યા દર્શન