Kinjal Rabari Controversy : છેલ્લા કેટલાક દિવસોથી સોશિયલ મીડિયા (Social Media) અને રબારી સમાજમાં ચર્ચાનું કેન્દ્ર બનેલી લોકગાયિકા કિંજલ રબારી (Kinjal Rabari) ના લગ્નનો વિવાદ (Controversy) આખરે શાંત પડ્યો હોય તેવું જણાઈ રહ્યું છે. સમાજના ભારે વિરોધ અને સમજાવટ બાદ કિંજલ રબારી પોતાના પિતાના ઘરે પરત ફરી હોવાનું જાણવા મળી રહ્યું છે.
કિંજલ રબારી (Kinjal Rabari) ના લગ્નનો વિવાદ આખરે શાંત પડ્યો?
છેલ્લા બે દિવસથી ભારે ચર્ચામાં રહેલા લોકગાયિકા કિંજલ રબારી (Kinjal Rabari) ના પ્રેમલગ્નનો વિવાદ (Marriage Controversy) આખરે શાંત પડ્યો છે. રબારી અને ચૌધરી સમાજના વડીલો તથા આગેવાનોની લાંબી બેઠકો અને સમજાવટ બાદ આ મામલે સુખદ અંત (Happy Ending) આવ્યો છે.
Advertisement ![Navratri Banner]()
આગેવાનોની બેઠક અને સમાધાન
વિવાદ વકરતા મામલો ગંભીર બન્યો હતો, જેને પગલે રબારી સમાજના આગેવાનો દ્વારા સતત મીટિંગો (Meetings) યોજવામાં આવી હતી. આખરે ગઈકાલે રબારી સમાજ અને ચૌધરી સમાજના મોભીઓ વચ્ચે એક મહત્વપૂર્ણ બેઠક યોજાઈ હતી. કલાકો સુધી ચાલેલી ચર્ચા બાદ બંને પક્ષો વચ્ચે મધ્યસ્થીથી પતાવટ (Settlement) થઈ હતી.બંને સમાજના વડીલોની હાજરીમાં કિંજલ રબારીને તેના પરિવાર અને સમાજ દ્વારા પરત લાવવામાં આવી હોવાનું જાણવા મળ્યું છે.
શું હતી સમગ્ર ઘટના?
લોકગાયિકા કિંજલ રબારીએ થોડા સમય પહેલા એક ચૌધરી યુવાન સાથે પ્રેમ લગ્ન (Love Marriage) કર્યા હતા. આ લગ્નના સમાચાર અને વીડિયો સોશિયલ મીડિયા પર વાયરલ (Viral) થતા જ રબારી સમાજમાં ભારે રોષ (Outrage) જોવા મળ્યો હતો. સમાજના રીત-રિવાજો અને પરંપરાઓને લઈને આ લગ્ન સામે પ્રશ્નો ઉભા થયા હતા.
સોશિયલ મીડિયા પરથી વીડિયો ડિલીટ
વિવાદ વધતા અને સમાજની લાગણી દુભાતા, કિંજલ રબારીએ અગાઉ સોશિયલ મીડિયા પર મૂકેલા લગ્ન અંગેના ફોટા અને વીડિયો ડિલીટ કરી દીધા હતા. આ પગલું વિવાદને શાંત પાડવાના પ્રયાસ રૂપે જોવામાં આવ્યું હતું.
ઠાકરશીભાઈ રબારીનું સમર્થન
આ વિવાદમાં નવો વળાંક ત્યારે આવ્યો જ્યારે રબારી સમાજના આગેવાનોની સમજાવટ અને પરિવારની લાગણીને માન આપીને કિંજલ રબારી અંતે પોતાના માતા-પિતાના ઘરે પરત ફરી હોવાનું કહેવામાં આવી રહ્યું છે. ઠાકરશીભાઈ રબારીએ પણ આ નિર્ણયમાં કિંજલ રબારીને સમર્થન (Support) આપ્યું છે.
સમાજમાં રાહતની લાગણી
કિંજલ રબારીના ઘરે પરત ફરવાના સમાચારથી રબારી સમાજમાં ચાલી રહેલો ગણગણાટ અને વિરોધ અત્યારે શાંત પડ્યો છે. સામાજિક મર્યાદા (Social Norms) અને પરિવારની પ્રતિષ્ઠાને પ્રાધાન્ય આપીને લેવાયેલા આ નિર્ણયને અનેક લોકો આવકારી રહ્યા છે.
જો કે, હાલમાં આ મામલે કિંજલ રબારી કે તેના પરિવાર તરફથી કોઈ સત્તાવાર નિવેદન (Official Statement) જાહેર કરવામાં આવ્યું નથી.
આ પણ વાંચો : Kinjal Rabari Controversy: શું પરિવાર છોડવાનો પછતાવો થયો? કિંજલ રબારીએ કાયદાકીય લડતની વાત કરી વીડિયો કેમ હટાવ્યા?
